.webp){kind=icon}
Групацијата „Телеком Србија“, преку телекомуникацискиот оператор МТЕЛ, токму од Македонија го започна лансирањето на својата најнова стриминг-платформа, „Мув ТВ“ (MOVE TV).
Оваа најсовремена ОТТ-платформа за телевизија, радио и видео на барање (on demand), која функционира со помош на „Мув андроид бокс“ (MOVE Аndroid Box) и како самостојна мобилна апликација, ја претставува „постојаната посветеност на МТЕЛ за подобрување на корисничкото искуство преку обезбедување висококвалитетни содржини и напредни дигитални функции“, велат од компанијата.
Блумберг Адрија
Новата платформа им нуди на своите корисници пристап до широк спектар опции за забава, вклучувајќи повеќе од 200 телевизиски канали, од омилените регионални канали до меѓународни гиганти како „Суперстар“ (Superstar), „Арена спорт“ (Arena Sport), ХБО (HBO), Си-ен-ен (CNN) и „Дизни ченал“ (Disney Channel). „Важно е да се напомене дека листата на домашни, регионални и интернационални канали постојано ќе расте“, велат од МТЕЛ. Пример за тоа е дополнувањето на групата „Диџит Алб“ (DigitAlb) со каналите „Топ ченал“ (Top Channel) и „Клан Алб“ (Klan Alb), со најава за нејзино натамошно проширување со сите преостанати канали од понудата на оваа група. Со помош на напредните дигитални функции, како премотување и паузирање на програмата во живо, „Мув ТВ“ гарантира дека корисниците никогаш нема да ги пропуштат своите омилени програми.
„Ни причинува огромно задоволство што можеме да ја претставиме ’Мув ТВ’, револуционерна стриминг-платформа што го редефинира начинот на кој корисниците ја доживуваат забавата. Со неа, ние не само што нудиме широка палета содржини туку им даваме и моќ на корисниците да ги следат содржините преку иновативни функции и опции за пристапност. Без разлика дали станува збор за најнов блокбастер, спортски настан или омилено радиошоу, ’Мув ТВ’ гарантира дека нашите корисници ќе можат да уживаат во забавата и содржините што ги сакаат во кое било време, каде и да се“, вели генералниот директор на МТЕЛ, Марко Лопичиќ.
