Акциите на „Ново Нордиск“ (Novo Nordisk A/S) пораснаа откако научно истражување покажа дека „вегови“ (wegowy), неговиот популарен лек за слабеење, го намалува ризикот од срцев удар и смрт кај дебелите луѓе и оние што страдаат од срцеви заболувања.
Цената на акцијата порасна за 3,9 отсто во Копенхаген, откако студија покажа дека луѓето што земале најголема доза „вегови“ во рамките на истражувањето (покрај слабеењето) имале пониско ниво на шеќер во крвта и помалку воспаленија. И двете се показатели за срцеви заболувања.
Истражувањето откри дека лековите што често се сметаат за лесен начин за слабеење исто така можат да спасат живот.
Прочитај повеќе
Од лековите за слабеење се заработува над очекувањата
Над 90 отсто од продажбите на лекови за слабеење се реализирани во САД
05.11.2023
Што треба да знаете за лековите за слабеење како „оземпик“
Последен пат толкава возбуда за нов лек имаше за „вијагра“, која беше одобрена во 1998 година.
10.11.2023
Продажбата на лекови за слабеење ќе достигне 100 милијарди долари
Пазарната вредност на лековите за слабеење континуирано ќе расте до 2030 година
17.10.2023
Резултатите објавени во саботата обезбедуваат дополнителни докази за користење на лекот во третман на срцеви заболувања заедно со терапии за контрола на крвниот притисок кај луѓето со висок ризик.
Срцевите заболувања се одговорни за најголем број смртни случаи во светот секоја година, предизвикувајќи околу една третина од сите смртни случаи. „Ново“ планира да побара одобрение за лек за намалување на ризикот од мозочен и срцев удар кај дебели возрасни луѓе со утврдена срцева болест.
Јуџин Јанг, претседател на Одделот за превенција на Американскиот колеџ за кардиологија, резултатите ги нарече голема промена. Лекарите на годишната конференција на Американското здружение за срцево здравје во Филаделфија аплаудираа неколкупати кога беа објавени податоците.
„Лекарите сè повеќе сфаќаат дека не станува збор само за тежината и за изгледот“, рече Ларс Фруергард Јоргенсен, извршен директор на „Ново“, во интервју во петокот. „Станува збор за вистински здравствени придобивки“.
Лековите за слабеење, како што е „вегови“, беа во центарот на вниманието годинава.
Познатите личности ги фалат нивните ефекти, додека инвеститорите шпекулираат за тоа како работите сега ќе се променат во мноштво сектори, како облека, ресторани и производство на храна. „Ново“ веќе се бори да биде во чекор со побарувачката, а конкуренцијата се зголемува бидејќи „Ели Лили“ (Eli Lilly & Co.) штотуку доби одобрение за својот лек за слабеење „зепбаунд“ (zepbound).
.webp){kind=icon}
