Нова Љубљанска банка ги истисна и последните малцински акционери на Комерцијална банка во Србија, за што потроши 61,7 милиони евра.
На ваков начин најголемата словенечка банка стана 100 отсто сопственик на српската банка. Преземањето на Комерцијална банка беше завршено во април годинава. Пред истиснувањето на преостанатите акционери, НЛБ поседуваше 90,2 отсто од акциите и 91,7 отсто од акциите со право на глас.
НЛБ купи 1.528.110 обични и 316.260 приоритетни акции на банката во Србија. Процесот на преземањето на капиталот на преостанатите акционери биле спроведен во согласност со српската регулатива. Како што наведува и НЛБ, овој потег ќе ја зајакне пазарната позиција на банката во Србија, која важи за еден од клучните пазари за најголемата словенечка банка.
Во април, претседателот на Управниот одбор на НЛБ, Блаж Бродњак, најави дека банката внимателно ќе ги следи случувањата во матичниот регион и во Југоисточна Европа, а во исто време тврдеше дека банката може да си дозволи дополнителни преземања и спојувања.
Акцијата на Нова Љубљанска банка го достигна својот врв на 20 јануари годинава, кога беше вредна 82 евра, покажуваат податоците на Блумберг. Денеска околу 13 часот за акцијата требаше да се добијат 57,40 евра.
Bloomberg Chartmaker
.webp){kind=icon}
