.webp){kind=icon}
„Сименс“ (Siemens AG) очекува приходите да растат побавно во фискалната 2024 година отколку што се мислеше, најмногу поради сè уште малата побарувачка за фабрички производи за автоматизација во Кина.
Германската индустриска компанија очекува растот на приходите по исклучувањето на новите операции да биде меѓу четири и осум проценти во следната фискална година (која ја пресметуваат од октомври до септември 2024 година), објавија во четвртокот. Приходите во одделот за дигитални индустрии, кои беа под притисок поради кратењата на залихите, ќе бидат рамни или малку зголемени, соопшти „Сименс“.
Побавното темпо на раст доаѓа по рекордната година кога приходите скокнаа за 11 отсто, што беше горната граница на сопствената проекција на компанијата. Профитот на Сименс речиси двојно се зголеми за една година. Компанијата исто така одлучи да ја зголеми дивидендата за нешто повеќе од 10 отсто на 4,70 евра по акција.
Bloomberg Mercury
Слабеењето на кинеската економија беше камен на сопнување за индустрискиот сектор во последните месеци, бидејќи побарувачката стагнира и кај потрошувачите и кај компаниите, како поради високата инфлација, така и високите каматни стапки. Во август, „Сименс“ ги намали проекциите за профитната маржа специјално за „Дигитал Индустис“ (Digital Industries) откако побарувачката падна, но рече дека нејзините долгорочни проекции останале исти.
Се очекува маржата да биде меѓу 20 и 23 отсто, што е пониско од маржата од минатиот квартал кога изнесуваше 23,1 отсто.
Во последниве години, Сименс се ослободи од поголемиот дел од своето производство на големи машини и продаде помали поделби за да се фокусира на линии на софтверски производи со повисоки нивоа на профитабилност.
За четвртиот фискален квартал компанијата забележа добивка од 1,72 милијарди евра, што го очекуваа и аналитичарите. Вредноста на нарачките е зголемена за шест отсто во однос на лани.
„Сименс“ мора да смета и на загубите во „Сименс Енерџи“ , поранешната подружница за производство на електрична енергија во која сè уште има удел од 25,1 отсто. Како дел од зделката што ќе обезбеди финансирање на оваа компанија, „Сименс“ се согласи да купи 18 отсто од акциите во компанијата што „Сименс енерџи“ ја основа во Индија, за цена од 2,1 милијарди евра.
Трансакцијата е дел од поширока зделка вредна 15 милијарди евра, која ќе помогне да се покријат гаранциите за заемите и да се овозможи „Сименс енерџи’ да склучува нови зделки со германската влада и банките.
