Поранешниот шеф на „Твич“ на местото на Алтман во „Опен еј-ај“

Одборот на „Опен еј-ај“ (OpenAI) го ангажираше поранешниот шеф на „Твич“ (Twitch) Емет Шир како главен извршен директор, пркосејќи на повиците на инвеститорите да го вратат соборениот Сем Алтман, според луѓе запознаени со ова прашање. 

Шир претходно годинава се повлече од функцијата извршен директор на „Твич“, сајт за стриминг игри на „Амазон“ (Amazon.com Inc.). Тој ги освои директорите на „Опен еј-ај“ затоа што изгледа дека ги препознава егзистенцијалните закани што ги презентира вештачката интелигенција, рече еден од нашите соговорници. Шир е компјутерски научник кој помина повеќе од една деценија градејќи го „Твич“ во една од најуспешните видео платформи во светот и се смета дека има доволно тежина да води голема инженерска група, додаде нашиот соговорник.

Како и некои членови на одборот на „Опен еј-ај“, Шир е поврзан со скептичното движење за ефективен алтруизам во однос на вештачката интелигенција, кое ги гледа ризиците од напредната вештачка интелигенција. Многу ефективни алтруисти - псевдо-филозофско движење кое се обидува да донира пари за да ги спречи егзистенцијалните ризици презентираа сценарија во кои моќниот систем на вештачка интелигенција може да се искористи за да се создаде сериозна и широко распространета штета.

Назначувањето на Шир го означува последниот пресврт во сагата што избувна со шокантното отпуштање на Алтман, што ја запрепасти Силициумската долина и го стави стартапот во центарот на хаосот предизвикан од развојот на вештачката интелигенција. „Опен еј-ај“и неговиот ко-основач-глобтротерот Алтман, ја започнаа трката за превласт на вештачката интелигенција од Вашингтон до Пекинг, што му донесе споредби со Бил Гејтс и Стив Џобс.

Одлуката да се вработи Шир е остар прекор за инвеститорите предводени од „Мајкрософт“ (Microsoft Corp.) и „Трајв Капитал“( Thrive Capital), кои побараа одборот на директори да ретерира и Алтман да се врати на чело на компанијата.

Членовите на одборот на стартапот со седиште во Сан Франциско контактираа со најмалку двајца истакнати директори во технолошката индустрија со надеж дека едниот ќе ја преземе улогата, рече еден од нашите соговорници, барајќи да не биде идентификуван.

Претставниците на „Опен еј-ај“ и Шир не одговорија на барањата за коментар.

Главниот научник на „Опен еј-ај“, Алиа Сутскевер, кој го организираше отпуштањето на Алтман, им кажа на вработените дека тој нема да се врати.

 

 

 

Во моментов нема коментари за веста. Биди прв да коментира...

Остави коментар