Над три милиони патници патувале преку двата македонски аеродрома - Меѓународниот Аеродром Скопје и Аеродромот Св. Апостол Павле Охрид, од први јануари заклучно со 16-ти декември 2023 година, објави ТАВ Македонија, подружница на ТАВ Аеродроми.
Ова е важно достигнување за двата македонски аеродрома бидејќи го означува закрепнувањето на авиосообраќајот и на патничкиот сообраќај по пандемијата, надминувајќи ги нивоата од 2019-та година, која се смета за референтна година во авијацијата, и ова е првпат три милиони патници да бидат опслужени заедно на двата аеродрома во една година.
ТАВ Македонија
„Како ТАВ среќни сме што одбележуваме ваков успех, не само за двата аеродрома, туку и за македонската авијација. Достигнувањето на три милиони патници пред крајот на 2023 е огромен успех, особено по пандемијата што имаше огромно влијание општо врз авијацијата. Имено, статистиката покажува врв во 2019 година со речиси 2,7 милиони патници, потоа несреќен остар пад поради здравствената криза и ограничувањата за патување, а сега, во 2023 година, повторно се враќаме назад и успеавме дури и да ја надминеме 2019 година со 20 отсто.“ Неџат Курт, генерален директор на ТАВ Македонија.
Најуспешната година за аеродромскиот оператор досега беше 2019, со 2,7 милиони патници, додека 2022 беше завршена со 2,4 милиони патници. Сепак, 2023 ќе биде забележана како година со постојан над 30 отсто годишен пораст споредено со 2022, особено со оглед на тоа што вкупната бројка на патници од 2022 година беше постигната со крајот на септември 2023.
ТАВ Македонија
За да се подобри квалитетот на аеродромските услуги и патничкото искуство да биде на највисоко ниво, ТАВ континуирано инвестира во аеродромската инфраструктура, како што беше и последната инвестиција од 2,4 милиони евра во надградба на системот за ракување со багаж со најновата технологија “Стандард 3”.
Поради успешната година во авиосообраќајот Министерот за транспорт и врски, Благој Бочварски, денеска го посети генералниот директор на ТАВ Македонија, Неџат Курт и му додели благодарница за особен придонес на ТАВ кон развојот на македонскиот авиосообраќај.
Бројот на летови на двата аеродрома во истиот временски период е 22.932 летови.
.webp){kind=icon}
