.webp){kind=icon}
Купувачите навалија на супермаркетите во Обединетото Кралство повеќе од која било година пред пандемијата во пресрет на Божиќ, трошејќи рекордни 13,7 милијарди фунти (17 милијарди американски долари) на празничните трпези, пред сè поради намалената инфлацијата на храната.
Германските дисконти „Алди“ и „Лидл“ го предводеа патот како најбрзо растечки супермаркети во текот на празничниот период, објавувајќи одлични продажби што го зголемија нивниот удел на пазарот на намирници во Обединетото Кралство на вкупно 17 отсто. Двата најголеми ланци на супермаркети во земјата, „Теско“ и „Сансбери“, исто така забележаа скок во продажбата што го зголеми нивниот удел на пазарот, според податоците објавени од „Кантар“ во средата.
„Овој Божиќ беше силен“, рече Фрејзер МекКевит, шеф за малопродажба во „Кантар“. Речиси една третина од вкупната потрошувачка во четирите недели до Божиќ била потрошена на предмети со некаква понуда, додаде тој, највисоко ниво од декември 2020 година и 823 милиони фунти повеќе од минатата година. Севкупно, инфлацијата на храната падна на 6,7 отсто, објави „Кантар“, што е најниско ниво од април 2022 година.
Пазарниот удел на „Сансбер“ се искачи на 15,8 отсто, највисоко од декември 2020 година, додека „Теско“ останува најголемиот супермаркет со 27,6 отсто од продажбата во секторот.
„Асда“ и „Морисонс“, двете во сопственост на приватен капитал, претрпеа пад на пазарниот удел во споредба со една година порано. „Окадо“, услугата за онлајн испорака популарна меѓу побогатите во Британија, остана стабилна со пазарен удел од 1,7 отсто, додека „Веитрос“-луксузниот бренд во сопственост на „Џон Левис Партнершип“ – падна за 0,1 процентен поен на 4,6 отсто.
Питите и божиќните пудинзи малку испаднаа од мода, продадени за четири и седум отсто помалку во споредба со минатата година. Другите традиционални божиќни јадења, сепак, добро се продаваа, со растечки количини, меѓу нив се мисиркино месо, колбаси, семиња
