Работата оддома ги зголемува профитите на компаниите

Компаниите кои дозволуваат работа оддома забележаа раст на приходите четири пати поголем од оние кои се построги за работа од канцеларија, покажува новото истражување, додавајќи гориво на дебатата за продуктивноста и перформансите на денешните работни места.

Анализата на 554 претпријатија кои вработуваат вкупно 26,7 милиони луѓе покажа дека „целосно флексибилните“ фирми – кои или работат целосно оддома или им дозволуваат на вработените да изберат како ќе работат – ја зголемиле продажбата за 21 отсто помеѓу 2020 и 2022 година, во споредба со петте проценти раст кај компаниите со хибридна политика или кај оние кои работат целосно од канцеларија. Студијата, спроведена од „Скуп Технолоџис“ и „Бостон Консалтинг Груп“, вклучија компании во 20 сектори, од технологија до осигурување. Растот на приходите е нормализиран во однос на просечните стапки на раст на индустријата, така што работодавците во областите со подобри перформанси не ги лажираат наодите.

Помеѓу компаниите кои бараа барем одредено присуство во канцеларијата, оние на кои им беше потребно присуство неколку дена во неделата ја зголемија продажбата двојно повеќе од оние на кои им беше потребно полно работно време од канцеларијата, според студијата. Според со-основачот и извршен директор на „Скуп“, Роб Седоу, подобрите стапки на раст за компаниите кои се пофлексибилни може да се должат на нивната способност да вработуваат побрзо и да вработуваат луѓе од поширока географска област, заедно со подолго задржување на вработените. Во осигурителната компанија „Олстејт Корп.“, на пример, 84 отсто од новите вработувања во САД во текот на изминатата година не живеат во близина на една од нејзините локални канцеларии, а пофлексибилните работни места добиваат двојно повеќе апликации, вели Лорен ДеЈанг, која ја надгледува работата на компанијата.

„Станува сè повообичаено финансиските директори и извршните директори да бидат надвор од канцеларијата пет дена“, рече Седоу. „Луѓето прашуваат дали растот на приходите е најдобрата мерка – можете да ги погледнете и приносите на акционерите. Нема совршен одговор, но сметавме дека ова е прв чекор во вистинската насока“.

Истражувањето е едно од првите кое опширно гледа како различните работни аранжмани влијаат на перформансите на компанијата. До денес, повеќето истражувања кои ги споредуваат работниците од далечина и тие во канцелариите се со тесен опсег, гледајќи ги, да речеме, работниците за внесување податоци во Индија или работниците во центрите за повици во Кина. Бизнис лидери во компании како „Амазон“ и ЏП Морган, во меѓувреме, ретко ги наведуваат финансиските податоци кога се изјаснуваат – или бараат – работниците да се вратат во нивните канцеларии, тврдејќи наместо тоа дека работата од канцеларија ја зајакнува соработката и културата. Од 5.565 компании во базата на податоци на „Скуп“, уделот за кој е потребен канцелариски персонал со полно работно време падна на 38 отсто во октомври од 49 отсто на почетокот на годината.

Како и да е, застапниците кои се залагаат за работа од канцеларија имаат некои свежи податоци за да ја зајакнат својата позиција. Друго истражување на 4.505 вработени со полно работно време од страна на американската консултантска компанија „Мерсер“ покажа дека оние кои биле во канцеларија четири дена во неделата пријавиле највисоки нивоа на мотивација и чувство на припадност. Тие, исто така, најверојатно ќе ја препорачаат нивната компанија како добар работодавец и најсилно веруваат дека нивните цели во кариерата можат да се исполнат. Сличното истражување на „Мерсер“ минатата година, сепак, покажа дека оние кои работеле само еден ден на самото место биле најангажирани.

Вишата директорка на „Мерсер“, Лорен Мејсон, рече дека е изненадена од резултатите од најновата студија на нејзината фирма и дека тоа би можело да биде затоа што работниците од далечина се чувствуваат маргинализирани во нивната компанија дури и ако се задоволни со својата работа. „Тоа е една теорија што ја имаме“, рече таа, додавајќи дека тие чувства често се поприсутни кај жените, кои имаат поголема веројатност да работат флексибилно од мажите. „И тоа не е добра работа“.

Меѓу компаниите кои бараат одреден број денови да поминат во канцеларија, само шест отсто бараат четири дена, а повеќето бараат два или три, покажува истражувањето на „Скуп“ и „Боостно конслатинг“. Претходното истражување на вонреден професор на бизнис школата на Харвард, Притвирај Чоудхури, откри дека само еден или два дена во канцеларија е идеално поставување за хибридна работа, давајќи им на работниците флексибилност што ја посакуваат без изолација да работат целосно од дома.

Добра практика, според експертите на работното место, е да се обезбеди на одредени тимови одредена автономија кога и каде работат, наместо извршниот директор да воспостави политика за присуство на целата компанија која ретко функционира за секого. Тимовите кои заедно ги поставуваат своите хибридни политики имаат највисок ангажман на вработените, според истражувањето на „Галуп“.

„Разговарам со повеќе компании деновиве кои имаат некои лабави упатства за хибридна работа, но сè уште немаат политика“, рече Деби Лович, постар партнер во „Бостон консалтинг“. „Тие бараат податоци за да сфатат што да прават“.