„Пејпал“ (PayPal Holdings Inc.) ќе ја намали својата работна сила за околу 9 отсто, бидејќи главниот извршен директор Алекс Крис, кој ја презеде функцијата во септември, се бори со зголемена конкуренција, притисок врз профитот и низа намалувања од страна на аналитичарите.
Во писмо до вработените од вторникот, Крис пишува дека одлуката е донесена за да се воспостави „правилна големина“ на компанијата преку директни намалувања и елиминација на отворени улоги во текот на годината. Засегнатиот персонал ќе биде известен до крајот на неделата, се наведува во писмото, во кое од „Блумберг њуз“ имале увид.
„Пејпал“, кој вработуваше околу 29.900 работници на крајот на 2022 година, објави сличен круг на кратења на позиции минатиот јануари. Најновиот потег ќе влијае на околу 2.500 работници.
Прочитај повеќе
„Мајкрософт“ отпушта 1.900 луѓе од секторот за гејминг и неодамна купениот „Активижн“
„Мајкрософт“ ќе отпушти 1.900 луѓе во своите оддели за видеоигри ,вклучувајќи го и „Активижн близард“.
26.01.2024
И „Тикток“ зафатен од бранот на откази во технолошкиот сектор
„Тикток“ на „Бајт денс“ се приклучи кон низата отпуштања во технолошките компании.
24.01.2024
„Гугл“ отпушта стотина вработени за да ги намали трошоците
Намалувањето доаѓа бидејќи „Гугл“ се соочува со конкуренција од вештачката интелигенција.
11.01.2024
Елиминирањето на работните места ќе ѝ овозможи на фирмата „да се движи со потребната брзина за да испорача резултати за нашите клиенти и да се поттикне профитабилен раст“, наведува Крис во писмото. „Во исто време, ќе продолжиме да инвестираме во области од бизнисот за кои веруваме дека ќе го забрзаат растот“.
Акциите на платежниот гигант паднаа за повеќе од 20 отсто во текот на изминатата година, бидејќи приходите паднаа и компанијата ги намали своите прогнози за целата година во однос на приспособената оперативна маржа. „Пејпал“ го назначи Крис минатата година, кој го замени Ден Шулман.
„Пејпал“ беше ран претставник во индустријата за плаќања, но ривалите, вклучувајќи ги „Епл“ (Apple Inc.) и „Зел“ (Zelle), оттогаш го преполнија просторот, оставајќи го „Пејпал“ во мака да го задржи темпото. Најмалку четворица аналитичари ја намалија оцената на акциите месецов, наведувајќи низа загрижености од зголемената конкуренција до притисокот врз профитабилноста.
Крис на повикот за заработка во третиот квартал рече дека „базата на трошоците и сложената структура“ на фирмата го забавиле напредокот, прашање што тој планира да го реши за да ја зголеми оперативната потпора на фирмата. Компанијата со седиште во Сан Хозе, Калифорнија, треба да ги објави резултатите за четвртиот квартал следната недела.
„Немаше многу да се слави“ во изминатите неколку години, изјави Крис за Си-ен-би-си (CNBC) во текот на месецов.
Откако Крис го презеде кормилото, тој ги обнови лидерските улоги во „Пејпал“.
.webp){kind=icon}
