text size
„Амазон“ (Amazon.com Inc.) објави дека ќе ја купи компанијата за примарна здравствена заштита „Уан медикал“ (One Medical) за 18 долари по акција, што е најнов потег на гигантот за е-трговија да го зголеми своето присуство и на здравствениот пазар.
Целосно готовинската трансакција има вредност на капиталот од 3,49 милијарди долари.
One Medical, чија компанија родител се вика „1Лајф хелткер“ (1Life Healthcare Inc.), работи со 182 медицински канцеларии на 25 пазари во САД. Клиентите плаќаат претплата за пристап до нejзините лекари и деноноќните дигитални здравствени услуги.
„Сметаме дека здравството е високо на листата на области на кои им треба нова визија“, рече Нил Линдзи, постар потпретседател кој го предводи здравствениот подем на Amazon.
Amazon во последниве години отвори онлајн продавница за лекови, по купувањето на аптеката за нарачка по пошта PillPack Inc.,и отвори клиника за примарна здравствена заштита за своите вработени и некои други компании, како дел од иницијативите насочени кон здравството. Договорот со One Medical ќе биде третата најголема аквизиција на Amazon, заостанувајќи само зад неговите набавки на синџирот за органски намирници Whole Foods Market и филмското студио Metro-Goldwyn-Mayer.
Една од најмалку профитабилните области во медицината, примарната здравствена заштита привлекува инвестиции од трговците на мало, здравствените осигурителни компании и синџирите на аптеки. CVS Health Corp. и Walgreens Boots Alliance Inc., две компании кои додаваат услуги за примарна здравствена заштита во нивните бизниси, паднаа со вестите. Walgreens, која минатата година се согласи да плати 5,2 милијарди долари за контролен удел во синџирот клиники VillageMD, падна за 3,1 отсто со отворањето на пазарот во Њујорк, CVS изгуби околу 2,7 отсто, а Teladoc Health Inc. падна за 7,9 отсто.
Акциите на Amazon се зголемија за помалку од 1 отсто, а 1Life Healthcare се зголеми за околу 66 отсто.
.webp){kind=icon}
