Агро - фирмите имаат на располагање нови 5 милиони евра за инвестициски прокети. Поголем дел од парите се обезбедени преку ИПАРД прогарама, а со нив ќе бидат поддржани проекти кои предвидуваат инвестиции за преработка и производство на млеко и млечни производи, месо и месни производи, овошје и зеленчук, преработка на житарици, производство на мелнички продукти, растителни производи и масла, маснотии од животни како и производство на вино.
„Сите заинтересирани апликанти ќе можат да аплицираат со проекти за набавка на машини и опрема за производство и преработка, како и проекти кои предвидуваат поставување, односно инсталирање на фотонапонски панели за производство на енергија од сопствени потреби. Прифатливи корисници се сите правни лица кои влегуваат во рангот на микро, мали или средни претпријатија “ изјави директорот на АФПЗРР Никица Бачовски.
Финансиската поддршка за овој јавен повик изнесува вкупно 5.028.568 евра, односно 75 отсто средства обезбедени преку ИПАРД програмата и 25 отсто средства обезбедени од буџетот на Република Северна Македонија. Финансиските средствата по поединечно барање се доделуваат како неповратна финансиска поддршка, (грант) во износ до 50% од вредноста на вкупно прифатливите трошоци на инвестициите. Заедно со инвестициските средства од страна на корисниците вкупниот инвестицкиски фонд за оваа мерка изнесува 10 милиони евра.
Поддршката која како земја ја добиваме од Европската Унија е значајна во развојот и модернизација на македонското земјоделство, а успешната реализација на европските земјоделски програми, уште еднаш ја потврдува посветеноста и решителноста на МЗШВ и Владата во процесот на интеграција и полноправното членство во Унијата, вели министерот за земјоделство, Љупчо Николовски.
„Република Северна Македонија стана земја лидер во целиот регион по искористеност на ИПАРД средствата, со висок процент од 97% искрористеност на овие неповратни средства за поддршка на земјоделството и руралниот развој. Успешноста во реализацијата на овие проекти и успешните земјоделски политики кои ги води министерството и Владата ги потврди и Европската Комисија. Добиваме 97 милиони евра неповратни средства од Европската Унија преку ИПАРД 3 програмата. Тоа претставува зголемување за 62% споредено со ИПАРД 2 кога земјава доби на располагање 60 милиони евра“ изјави министерот Николовски.
Рокот за аплицирање по оваа мерка од ИПАРД програмата е до шести септември 2022 година. Заинтересираните апликанти барање за аплицирање може да подигнат од просториите на Агенцијата за финасиска поддршка на земјоделството и руралниот развој или по електронски пат преку веб странта www.ipardpa.gov.mk
.webp){kind=icon}
