„Римац Невера“ неодамна го доби својот прв хрватски купувач, Бранко Шковрљ, хрватски неврохирург што живее во Њу Џерси.
„Со оглед на тоа што компанијата „Римац груп“ прерасна од гаража во глобална компанија, но сепак ги задржа своето седиште во Хрватска и хрватскиот дизајн и знаење, овој настан има посебна вредност за компанијата. Основачот Мате Римац инсистира неговиот бренд секогаш да остане верен на својата татковина. Затоа беше посебен момент за компанијата кога првиот хрватски клиент неодамна го презеде својот „римац невера“ од ’Менхетн моторкарс’ во Њу Џерси“, посочуваат од компанијата.
Шковрљ своето патување со „римац“ го почна со помош на едноставна објава на Јутјуб. Импресиониран од патувањето и возењето, тој веднаш пројави интерес, а минатата година се запозна со тимот, виде каде ќе се прави неговата „невера“ и ја избра точната спецификација.
Римац груп
Откако бил сведок на секој елемент од производството на „невера“, од рачното склопување на напредната погонска единица до примената на впечатлива повеќеслојна боја и 26 километри прецизно ткаени жици, кои Шковрљ ги опиша како неврони на мозокот, според компанијата, се упатил кон просторијата за спецификација.
„Тој избираше меѓу голем број нијанси, карбонски завршетоци и сопствени детали што ќе ја направат неговата ’невера’ уникатна. По долго размислување, Бранко се одлучи за агресивна конфигурација, која ќе одговара на импресивноста на хиперавтомобилот ’невера’; длабока завршница ’предатор блек фантази’ - со кожен ентериер ’ред блејз’. Надворешниот изглед е нагласен со светлоцрвени сопирачки, скриени зад тркалата, во стилот на ’инфинитус’, и голем број внатрешни детали по нарачка, вклучувајќи црн сатенски финиш за елоксираните метали и перфорирани седишта, како и препознатливите шевови ’римац’“, истакнуваат од „Римац груп“.
.webp){kind=icon}
