Најавен дводневен штрајк во „Луфтханза“: Ќе погоди 200.000 патници

„Дојче Луфтханза АГ“ очекува најновиот дводневен штрајк на копнените екипи да го попречи патувањето на повеќе од 200.000 патници, што ќе изврши притисок врз германската авиокомпанија да преговара за договор.

Работничкиот синдикат „Верди“ го повика персоналот на „Луфтханза“ да се прекине со работа во четврток и петок, што следуваше по неуспешните преговори за платите и работните услови. Од компанијата одговорија дека има подготвеност за преговори, но под услов „Верди“ да го откаже штрајкот.

Екипажот кои работи на копно е меѓу работниците во германската транспортна индустрија кој не беше опфатен во зголемување на платите, а во услови на недостиг на персонал и висока инфлација. Илјадници патници и големи германски аеродроми беа погодени три пати минатиот месец за време на штрајковите на персоналот за безбедност и копнените екипи ширум земјата. Најнов хаос би можел да предизвика и најавениот штрајк на работниците во „Дојче бан“ (Deutsche Bahn AG), германската железница која исто така преговара за подобрување на условите за работа.

„Со овој бескомпромисен став, синдикатот и штети на компанијата, на стотици илјади клиенти и на вработените во нашите компании“, изјави Мајкл Нигеман, главен директор за човечки ресурси на „Луфтханза“.

„Верди“ во понеделникот соопшти дека не е постигнат договор за време на четвртиот круг преговори. Синдикатот побара зголемување на платата за 12,5 отсто и дополнителни 3.000 евра бонус за инфлација за персоналот на копно. Следниот состанок е закажан за 13 и 14 март.

„Луфтханза“ соопшти дека „Верди“ „намерно бара ескалација наместо решение“ на спорот и дека ќе спроведе посебен план за летање за време на 59-часовниот предупредувачки штрајк.

„Луфтханза“ треба да извести за својата заработка во четврток.