За промена на дел од членовите на Надзорниот одбор на „Комерцијална банка“ ќе одлучуваат акционерите на банката на претстојното Собрание чија седница е закажана за 27 март годинава. Група акционери поднела предлог на местото на досегашните членови Таки Фити и Сава Димитрова во одборот да седнат Петар Теговски и Ивана Милковска Симева. Со предлог одлуката се предвидува во одборот да останат досегашните членови Фатмир Етеми, Ванчо Чифлиганец, Горан Антевски, Сашо Наумоски и Александра Максимовска Стојковска.
Од банката преку Македонската берза информираа дека мандатот на актуелниот Надзорен одбор истекува на 20 мај годинава и дека заради тоа е потребно Собранието на акционери да именува членови на Надзорниот одбор на банката.
„На 06.02.2024 година група акционери на банката до Одборот за избор и разрешување на банката, доставиле предлог на кандидати за членови на Надзорниот одбор на ‚Комерцијална банка‘ АД Скопје. Одборот за избор и разрешување, на состанокот одржан на 20.02.2024 година, ги разгледал податоците за предложените кандидати и усвоил предлог за именување членови на Надзорниот одбор “, објаснуваат од банката.
Прочитај повеќе
„Комерцијална банка“ не се откажува од „Стопанска банка Битола“ и од странски инвеститор
Максимизирање на профитабилноста на работењето со преземање прифатливи ризици останува една од приоритетните цели на банката во претстојниот период.
28.02.2024
Дивидендата ја разгоре трката: Фатмир Етеми купи 500 акции од „Комерцијална банка“
Тој е уште еден од менаџерите во банката кои во изминатиов купуваат акции.
23.02.2024
„Комерцијална банка“ ќе исплати рекордна дивиденда од 910 денари по акција
Вредноста на дивидендата е 91 процент во однос на номиналната вредност на акцијата од 1.000 денари.
23.02.2024
Продаден голем блок акции од „Комерцијална банка“ по „дампинг“ цена од 12.700 денари за акција
Продаден блок од 2.000 акции од „Комерцијална банка“.
20.02.2024
„Комерцијална банка“ лани оствари добивка од 58 милиони евра
Вкупните приходи изнесуваат 114 милиони евра и бележат зголемување од 28,1 проценти.
30.01.2024
„Комерцијална банка“ со присилна наплата го презеде „Еуроникел“
Банката стекнала сопственост на недвижен и движен имот во вредност од 38 милиони евра.
12.12.2023
Оттаму додаваат дека за предложените кандидати не постојат законски пречки за нивно назначување за членови на Надзорниот одбор согласно Законот за банки и Статутот на банката.
„Предложените кандидати се лица со големо работно искуство од областа на финансиското работење, поседуваат професионални квалификации да ги извршуваат работите од делокруг на работењето на Надзорниот одбор на банката и ќе придонесат и понатаму банката да работи профитабилно“, посочуваат од „Комерцијална банка“.
Инаку, согласно Статутот на банката за предложените кандидати за членови на Надзорниот одбор се гласа јавно, а одлуката за именување на членовите на Надзорниот одбор се смета за донесена ако за неа се изјасниле повеќе од половина од присутните – претставени акционери на седницата на Собранието на банката.
Таки Фити и Сава Димитрова, долги години беа во Надзорниот одбор на банката. Фити е академик, професор на Економскиот факултет и поранешен министер за финансии. Димитрова на јавноста и е позната како долгогодишна директорка на „Европа“.
Ивана Милковска Симева е една од поголемите акционерки во градежната компанија „Гранит“, а Петар Теговски порано беше дел од раководните структури на поранешна „Охридска банка“.
.webp){kind=icon}
