.webp){kind=icon}
Примената на еколошки, социјални и управувачки практики е главниот фокус и стратегиски приоритет на „Макстил“, бидејќи само на тој начин компанијата може да биде подобро позиционирана и поконкурентна на глобалниот пазар.
promo
Македонскиот гигант во челичната индустрија, дел од глобалната групација DITH, еден од најголемите регионални производители на топловалани дебели лимови, ги применува ЕСГ-практиките (environment, social, governance - ESG), кај нас нови практики, но широко прифатени во деловниот сектор надвор од земјава.
„Ова не е само глобален тренд туку внесувањето на ЕСГ-практиките сѐ повеќе станува дел од корпоративната стратегија на секоја компанија. Спроведувањето на ЕСГ-практиките носи многу позитивни бенефиции врз животната средина, вработените и заедницата воопшто. Всушност, овие практики се обединување на етички, еколошки и корпоративни норми што треба да се дел од секоја компаниска култура. Меѓусебната соработка на компаниите ќе биде иницирана и поттикната токму од примената на овие практики, а и самите потрошувачи сѐ повеќе ќе избираат зелени производи направени од компании што се посветени на одржливост“, вели Марија Дуковска-Павловска, генерална директорка на „Макстил“.
Во екологијата, „Макстил“ континуирано спроведува мерки со кои се минимизира влијанието врз животната средина, а е произлезено од работата на компанијата. Дополнително, има повеќекратни инвестиции во енергетски ефикасни технологии, користење рециклирани материјали за да се редуцира употребата на ресурси, намалување на создавањето отпад и максимална возможна примена на концептот на циркуларна економија. „Макстил“ е компанија што започна со редовно мерење и информирање за емисиите предизвикани од производството, кои континуирано се неколкукратно пониски од дозволените и стана практика што ја презедоа и други компании.
Социјалните аспекти на овие практики, кои се однесуваат на вработените, нивната безбедност и добросостојба, се еден од најголемите приоритети на „Макстил“. Се подобруваат условите за работа и се зголемуваат бенефициите за вработените со создавање програми и иницијативи за обуки и развој, едукација за зголемување на здравјето и безбедноста на вработените и активности за уште поголемо вклучување во заедницата.
„ЕСГ-практиките претставуваат генератор на позитивни процеси, кои се однесуваат на јавниот интерес и општото добро како обврска на компанијата кон заедницата и на одржливиот развој на компанијата. Деловниот свет ги сфаќа многу сериозно затоа што начинот на работа на една компанија и производот што го пласира се одразува врз општествената улога на друга компанија. Ние воспоставуваме и систем на мерливост и следење на степенот на примена на овие практики. На тој начин непосредно и директно ги демонстрираме нашата посветеност и градењето доверба со засегнатите страни, заедницата, вработените и соработниците“, дополни Дуковска-Павловска.
