.webp){kind=icon}
Авиокомпанијата „Луфтханза“ (Deutsche Lufthansa AG) утре ќе ги откаже речиси сите летови од своите главни германски центри во Франкфурт и Минхен поради штрајк на аеродромскиот персонал, што го влошува хаосот што ја зафати клучната летна сезона за европската авијација.
Најголемата европска авиокомпанија ќе откаже 678 летови во Франкфурт и 345 во Минхен, предупредувајќи дека прекинот може да се прлее во викендот, кога се очекува зголемување на обемот на патувања. Има многу ограничен простор за презакажување за патниците чии летови се откажани, соопшти „Луфтханза“.
Иако компанијата досега избегнуваше работнички акции што ги заглавија ривалите како „Рајанер“ (Ryanair Holdings Plc), нејзините синдикати почнуваат да го стеснуваат обрачот околу менаџментот барајќи подобри плати. Членовите на пилотскиот синдикат на „Луфтханза“ одржуваат гласање за тоа дали да излезат на свој штрајк, потег што неизбежно ќе доведе до дополнително намалување на редовните летови.
„Раната ескалација на претходно конструктивната колективна рунда на договари предизвикува огромна штета“, рече во изјава трудовиот директор на „Луфтханза“, Мајкл Нигеман.
Синдикатот на аеродромскиот персонал „Верди“ го свика штрајкот поради спорот околу платите и условите, што ја ескалира кризата во авиокомпанијата откако недостигот на персонал доведе до илјадници откажувања на летови претходно во текот на летото. Германија е во екот на периодот на летните одмори, а училиштата се затвораат во повеќе сојузни покраини оваа недела.
„Луфтханза“ падна за цели 0,6 отсто на 5,98 евра во Франкфурт. Акциите изгубија околу 3 отсто во вредност оваа година.
