Растот на продажбата на „Нестле“ (Nestle) забави во првиот квартал од годинава, бидејќи производителот на кафето „неспресо“ беше погоден од послабата побарувачка во Северна Америка и ограничената понуда во сегментот на витамини.
Продажбата органски порасна за 1,4 отсто, објави швајцарската компанија во четвртокот, што е околу половина од процените на аналитичарите. Внатрешната стапка на раст - онаа што компанијата може да ја одржи без надворешно финансирање - падна повеќе од очекуваните два процента, иако „Нестле“ проектира закрепнување во вториот квартал.
Групациите за потрошувачки стоки како што се „Нестле“ и „Унилевер“ (Unilever Plc) се обидуваат да го вратат уделот на пазарот со своите брендирани производи, откако зголемената инфлација ги принуди потрошувачите да купуваат поевтини брендови.
Додека резултатите на „Унилевер“ во четвртокот, како и оние што ги објавија „Данон“ (Danone) и „Рекит“ (Reckitt Benckiser Group Plc) претходно неделава, сугерираа враќање на купувачите кон „големите брендови“ - бројките на „Нестле“ фрлаат помрачна слика и гигантот би можел да направи пресврт во ваквиот тренд. Неговите акции паднаа за 4,8 отсто на почетокот на тргувањето во Швајцарија, што е најголем пад во последните два месеца.
.webp){kind=icon}
Во моментов нема коментари за веста. Биди прв да коментира...