text size
Компанијата „Епл“ (Apple Inc.) ги објави резултатите од првиот квартал, кои позитивно ги изненадија аналитичарите, покачувајќи ја вредноста на акциите во доцното тргување. За оптимизмот придонесоа и проекциите за приходите од продажба, кои сега предвидуваат раст.
Иако продажбата падна за 4,3 отсто (на 90,8 милијарди долари), сепак таа е за половина милијарда поголема од очекувањата на аналитичарите. Нето-добивката исто така беше повисока од очекуваната на Волстрит, а „Епл“ ја објави и најголемата програма за откуп на акции во историјата на САД.
Годишна промена во приходите на „Епл“ по квартали (сивите столпчиња претставуваат проекции)
Bloomberg
Резултатите се првиот знак дека е време да издишка за сите инвеститори што чекаат производителот на ајфони да излезе од кризата. Компанијата забележа пад на продажбата во пет од претходните шест квартали, најмногу поради намалената побарувачка на пазарот на паметни телефони и предизвиците во Кина. Компанијата во февруари соопшти дека продажбата во овој квартал би можела да биде за пет отсто помала на годишно ниво.
Откако беа објавени резултатите по затворањето на пазарот, акциите пораснаа за 7,9 отсто. Од почетокот на годината до затворањето во четвртокот, акциите на „Епл“ паднаа за околу 10 отсто.
Компанијата забележа заработка по акција од 1,53 долар во првиот квартал, што е за три центи повеќе од очекувањата на аналитичарите. Дивидендата беше зголемена за четири отсто, на 25 центи по акција, што беше и очекувано. Одборот на директори одобри програма за откуп на акции вредна 110 милијарди долари.
Недостигот од иновативни нови уреди придонесе за пад на продажбата на компанијата, но „Епл“ порача дека ќе започне да ја коригира таа грешка почнувајќи од 7 мај. Тогаш компанијата планира да ги претстави новите ајпади (iPad) - прва нова верзија на овие таблети во изминатата година и половина.
Прочитајте повеќе на овој линк.
.webp){kind=icon}
