text size
„Визер“ (Wizz Air) продолжи да ги намалува фреквенциите во своите бази за претстојната зимска сезона 2024/2025, која започнува на 27 октомври, бидејќи флотата на семејството „A320нео“ на авиопревозникот е подложена на инспекции поради производствени проблеми со моторот.
Работата доведе до тоа „Визер“ да приземји повеќе од четириесет свои авиони. Авиокомпанијата ги промени своите зимски операции, при што фреквенцијата ќе биде намалена на девет линии од Скопје во споредба со првично планираниот распоред од почетокот на месецов, а Белград забележа намалување на шест линии. Сепак, авиокомпанијата исто така одлучи да ги зголеми услугите за избрани дестинации, вклучувајќи три од Скопје и четири од Белград, пишува „Ексју авиејшн њуз“.
Bloomberg
„Визер“ ги намали фреквенциите според првичниот план на летовите од Скопје до Шарлроа и Ајндховен од пет на четири неделно, до Берлин од пет на три, до Келн, Милано и Хамбург од четири на три, до Хан и Болоња од три на два и до Малта од првичните планирани четири неделни ротации на три. Како што беше претходно објавено, авиокомпанијата ја суспендира продажбата на билети за зимата за линиите од Скопје до Бремен, Копенхаген и Стокхолм. Од друга страна, летовите до Нирнберг ќе се зголемат од два на три неделно, до Малме од три на пет неделно, а до „Лутон“ во Лондон од три на четири неделно.
Во Белград, според првичниот план, нискобуџетната компанија ќе ја намали фреквенцијата на летови до Бове, Барселона, Берлин и Ајндховен од пет на четири неделни ротации, како и до Бергамо од четири неделни ротации на три. Сепак, ќе го зголеми сервисот за Дортмунд од три на четири неделно, како и до Гетеборг, Малме и Стокхолм од две на три ротации неделно. Понатамошни промени остануваат веројатни.
„Визер“ претходно изјави за „Ексју авиејшн њуз“ дека од летото 2025 година планира да се врати на растечките фреквенции и мрежа надвор од своите бази во Скопје и во Белград, и покрај проблемите со моторот, кои се очекува да ја измачуваат авиокомпанијата уште две години.
.webp){kind=icon}
