.webp){kind=icon}
„Фершпед“ АД Скопје во периодот jануари-јуни 2022 година оствари добивка од 39,8 милиони денари, што е намалување во однос на истиот период минатата година кога добивката на компанијата изнесувала 41,4 милиони денари, покажува неревидираниот биланс на успех на компанијата објавен преку Македонската берза.
Остварените вкупни приходи во овој период изнесуваат 2.210.869.000 денари и во споредба со остварените вкупни приходи за истиот период 2021 година бележат пораст од 8 проценти. Оперативните приходи изнесуваат 2.207.574.000 денари и бележат пораст од 8 проценти во однос на оперативните приходи за истиот период 2021 година. Финансиските приходи се намалени во однос на истиот период минатата година.
Вкупните расходи за периодот јануари-јуни 2022 година се во износ од 2.165.285.000 денари и бележат пораст од 8 проценти во однос на вкупните расходи за истиот период 2021 година. Оперативните расходи во првото полугодие од 2022 година изнесуваат 2.163.989.000 денари и истите се зголемени за 8 проценти во однос на првото полугодие од 2021 година. Финансиските расходи бележат пораст во однос на истиот период минатата година.
„Вкупните обврски по кредити на „Фершпед“ АД Скопје за првото полугодие во 2022 година изнесуваат 18.888.000 денари. Истите бележат пад од 21 проценти во споредба со обврските по кредити на 31.12.2021 година и претставуваат 1 процент од капиталот и резервите“, информираат од компанијата.
