Компанијата „Хонда“ (Honda Motor Co.) ќе започне да го продава своето долгоочекувано електрично комбе во октомври, со цени почнувајќи од 2,44 милиони јени (15.500 долари). Ова враќање на јапонскиот пазар на електрични возила е дел од стратегијата на „Хонда“ до крајот на оваа деценија да го зголеми на 40 проценти уделот во продажбата на електричните автомобили и возилата што користат водород.
Новиот модел „N-VAN e“ ќе може да помине 245 километри без полнење, а ќе се произведува во четири варијанти. Според јапонскиот производител, овие верзии ќе се движат од едносед до четирисед. Наменет е за доставувачи или градежни компании, но и за луѓе на кои им е потребен дополнителен багажен простор.
Времето на полнење е четири и пол часа, со брзина од шест киловати и 30 минути во режим за брзо полнење.
Цената „ќе биде прифатлива за обичните луѓе“, рече Норијуки Такакура, потпретседател на јапонскиот оддел на компанијата. Тој додаде дека автомобилот ќе биде уште поевтин поради субвенциите.
„Хонда“ е решена да се движи кон електрификација на производството и покрај падот на побарувачката за електрични возила. Некои од најголемите производители, како што се „Форд“ (Ford Motor Co.), „Џенерал моторс“ (General Motors Co.), „Фолксваген“ (Volkswagen AG) и „Тесла“ (Tesla Inc.), ги променија проекциите за продажба во последните месеци.
„Иако сме сведоци на промена на светските пазари за електрични возила, сепак има земји како Тајланд каде што продажбата е силна“, рече Такакура. „Не ја сменивме целта за постигнување јаглеродна неутралност“, додаде тој.
.webp){kind=icon}
