Австриската компанија „Раух“ (Rauch Fruchtsafte GMBH), која е еден од водечките производители на сокови во Европа има намера да стекне самостојна контрола врз македонската компанија „Вита-рес“.
Производите на „Раух“ се продаваат во повеќе од 100 земји, компанијата има 14 фабрики со над 2.400 вработени, но и подружници и партнерски производители во Европа и САД. Компанијата е основана во 1919 година и до денес е фамилијарен бизнис, кој го води четвртата генерација од семејството Раух.
Во целина, „Раух“ групацијата завзема три стратешки бизнис полиња. Покрај производството и продажбата на брендовите „Хепи деј“ (Happy Day), „Браво“ (Bravo), „Натива“ (Nativa) и „Раух ајс ти“ (Rauch IceTea), „Раух“ е етаблирана и во Б2Б сегментот. Во рамките на оваа гранка, компанијата „Раух“ ја има улогата на производител и продажна компанија за интернационалните купувачи на овошни концентрати и полу-производи. Третото поле се однесува полнењата по лиценца. Како добавувач на услуги, „Раух“полни за други производители на пијалоци со својата екпертиза и врвни системи и линии за полнење на лименки, ПЕТ (пластика) и стаклени шишиња.
Седиштето на компанијата „Вита-рес“ е во Ресен. Станува збор за компанија која е директно активна во секторот за преработка на овошје и производство на производи добиени од обработката на овошјето (овошни концентрати, овошно пире и овошни смрзнати коцки). „Вита-рес“ пласира производи на пазарот во Европа и во Македонија.
Вкупниот приход на компанијата остварен во Македонија е поврзан во главно со продажба на полу-готови производи добиени од обработката на овошјето (овошни концентрати, овошно пире и овошни смрзнати коцки).
За оваа концентрација на капиталот е известена Комисијата за заштита на конкуренцијата.
.webp){kind=icon}