.webp){kind=icon}
Германската авиокомпанија „Луфтханза“ (Lufthansa) очекува профитабилноста да се зголеми во наредните месеци поради зголемената побарувачка, и покрај недостигот на персонал кој го компликува и ограничува работењето на аеродромите.
Според најавата на „Луфтханза“, во третиот квартал се очекува „значителен пораст“ на приходите во однос на вториот квартал.
Повисоките цени на авионските билети и силниот раст на профитот во товарниот транспорт надвладејаа над растот на трошоците за гориво во вториот квартал.
Цената на акциите порасна за 5,3 отсто на почетокот на тргувањето во четвртокот.
Bloomberg
„Луфтханза“ објави и дека очекува оперативна добивка (EBIT) на крајот од годината од над 500 милиони евра, додека аналитичарите ја проценуваат на 585 милиони евра. Авиокомпанијата претходно најави дека очекува подобар резултат од минатата година.
„Луфтханза“ значително го намали бројот на вработени за време на пандемијата и сега соопшти за вработување на 10 илјади лица во следните 18 месеци.
Во текот на летото компанијата откажа околу седум илјади летови поради недостигот на вработени и штрајкот организиран од синдикатот на аеродромскиот персонал.
Продолжуваат преговорите за зголемување на платите со пилотите.
Во вториот квартал EBIT на „Луфтханза“ изнесуваше 393 милиони евра откако претходно беше објавено дека ќе се движи меѓу 350 и 400 милиони евра.
