Компанијата „Волт Дизни“ (Walt Disney) планира нова рунда кратења на работните места во својот ТВ-оддел, што е дел од напорите да ги намали трошоците во областа од нејзиниот бизнис што сè повеќе се намалува, според луѓе со познавање на оваа тема.
Компанијата ќе елиминира околу 140 работни места, или околу 2 отсто од персоналот во „Дизни ентертејмент ТВ“, рекоа лица што побараа да не бидат именувани бидејќи станува збор за информации што не се јавни. Кратењата ќе им паднат најтешко на мрежите како „Натгео“ (NatGeo) и „Фриформ“ (Freeform), кои ги намалуваат своите програми, како и станиците „Еј-би-си“ (ABC) на компанијата.
Боб Ајгер
Bloomberg Mercury
Главниот извршен директор Боб Ајгер ги намали трошоците од милијарди долари и елиминира над 8.000 позиции откако се врати на чело на компанијата во ноември 2022 година. Компанијата се обидува да ја балансира потребата за инвестиции во стриминг при брз пад на нејзините кабелски мрежи, кои сè уште генерираат милијарди долари профит.
Како дел од кратењата, „Натгео“ ќе изгуби околу 13 отсто од својот персонал, велат лицата. Мрежата, именувана по култниот магазин, веќе ја намали својата програмска шема на неколку емисии како „Џиниус: МЛК / Х“ (Genius: MLK/X).
„Фриформ“, порано позната како „Еј-би-си фемили“ (ABC Family), има емисии како „Гроун-иш“ (Grown-ish) и „Прити литл лајрс“ (Pretty Little Liars) наменети за тинејџерска публика. Но тинејџерите во голема мера ја напуштија кабелската телевизија и се пренасочија на стриминг-платформите.
„Дизни“ исто така ги елиминира работните места во своите тимови за маркетинг и публицитет.
Акциите на „Дизни“, со седиште во Бурбенк, Калифорнија, пораснаа за 3,9 отсто годинава.
Телевизиските мрежи на „Дизни“, ориентирани кон забава, придонесоа со околу 12 отсто од вкупниот приход во последниот втор квартал, сума што не ги вклучува спортските операции како ЕСПН (ESPN).
Компанијата ќе извести за фискалните резултати за третиот квартал следната недела.
.webp){kind=icon}
