Компанијата „Волт Дизни“ (Walt Disney Co.) ги зголеми цените на своите стриминг-услуги, а најевтиниот пакет Дизни+ (Disney+) со реклами ќе чини 9,99 долари, што е за 25 отсто повеќе од сегашната цена.
Дизни+ без реклами ќе се зголеми за 14 проценти и ќе чини 15,99 долари месечно, се наведува во соопштението објавено во вторникот. Пакетот што вклучува Дизни+ и Хулу (Hulu) - со реклами - ќе чини 10 проценти повеќе (10,99 долари месечно). Зголемувањето на цените ќе стапи во сила на 17 октомври. Услугите на Хулу и ЕСПН (ESPN) исто така ќе поскапат.
Прочитајте повеќе: „Волт Дизни“ најави нови отпуштања
Компанијата додава канали на Дизни+, така што содржината на каналите што стримуваат без прекин ќе биде достапна и таму. Почнувајќи од 4 септември, „Еј-би-си њуз“ (ABC News) ќе биде достапна на Дизни+, како и голема плејлиста со едукативни содржини. Во текот на годинава претплатниците на премиум услугата ќе добијат канали посветени на документарни филмови, поп-култура и акциски филмови.
„Дизни“, како и другите големи медиумски компании, се повеќе сè насочува од традиционалната телевизија кон стриминг-услугите, бидејќи бројот на гледачи на класичната телевизија се намалува, па затоа и продажбата паѓа. Компанијата исто така соопшти дека нејзиниот оддел за стриминг ќе стане профитабилен до четвртиот квартал од фискалната година.
Компанијата денеска ги објави резултатите од третиот квартал. Минатата година „Дизни“ ги зголеми цените на стриминг-услугите за 27 отсто.
.webp){kind=icon}
Во моментов нема коментари за веста. Биди прв да коментира...