.webp){kind=icon}
Масивен дијамант од 2.492 карати, еден од најголемите вакви камења некогаш пронајдени е откопан од рудник во Боцвана. Каменот, пронајден во рудникот Карове (Karowe), кој го води канадската компанија „Лукара дајмонд“ (Lucara Diamond Corp.), допрва треба да биде темелно проценет и не е јасно дали ќе ги биде меѓу скапоцените камења со највисок квалитет. Но, тој не е многу помал од 3.106-каратниот „Кулинан“ (Cullinan Diamond), најголемиот во светот, кој беше откриен во Јужна Африка во 1905 година.
Откритието е направено со помош на технологија за рендген инсталирана во рудникот за да се идентификуваат камењата со висока вредност во телото на примарната руда, соопштија од „Лукара“. Пронаоѓањето на новиот дијамант доаѓа по два други значајни наоди во рудникот „Карове“, вклучувајќи го „Севело“ од 1.758 карати и „Леседи Ла Рона“ од 1.109 карати.
„Способноста да извадимне таков масивен, висококвалитетен камен и да остане недопрен ја покажува ефективноста на нашиот пристап кон извлекувањето на дијамантите“, рече главниот извршен директор на „Лукара“, Вилијам Ламб.
Откритието доаѓа откако цените на дијамантите паднаа на најниско ниво во последните четири години. Додека индустријата се снајде добро за време на пандемијата бидејќи потрошувачите заглавени дома трошеа повеќе на луксузни предмети, наместо на патувања и забава, побарувачката оттогаш ослабе, а пазарот стана преполн. Забавувањето на Кина и зголемувањето на производството на синтетички камења само го зголемија притисокот.
