Извршниот директор на „Енвидија“, Јенсен Хуанг, изјави дека нема да има проблем со набавка на нови чипови „блеквел“ и дека само се чека производството да полета.
„Ќе имаме изобилство резерви и ќе можеме дополнително да го зголемиме производството“, рече Хуанг во интервју за ТВ „Блумберг“. „Примероците веќе се испраќаат до клиенти низ светот, а ние веќе започнавме со сериско производство“, додаде тој.
Bloomberg
Достапноста на овие чипови (кои беа објавени претходно годинава) се најде во фокусот на инвеститорите и аналитичарите што ги следат акциите на „Енвидија. Ова е наследник на акцелераторот со вештачка интелигенција по име „Хопер“, кој е одговорен за почетниот раст на приходите на компанијата и цената на акциите. Проблемите во производството предизвикаа стравувања од одложување на масовното производство.
Од компанијата претходно изјавија дека морале да променат дел од производствениот процес, но додадоа дека, и покрај тоа, очекуваат приходи во милијарди од овие чипови во следниот квартал.
За време на разговорот со инвеститорите, Хуанг одби да даде детали за линијата „Блеквел“, па акциите паднаа во доцното тргување во САД. Падот од околу осум отсто не го спречија добрите резултати на компанијата, кои ги надминаа речиси сите очекувања на аналитичарите во кварталот зад нас.
Пред објавувањето на резултатите, аналитичарите предупредија дека проблемите во производството на линијата „Блеквел“ може да го забават растот на „Енвидија“, како и развојот во областа на вештачката интелигенција.
Хуанг изјави за „Блумберг“ дека мисли дека е доволно јасен за чиповите на „Блеквел“. „Нивната функционалност е прекрасна“, додаде тој. Покрај приходот што ќе го донесе во следниот квартал, „идната година ќе биде одлична и за нас“, додаде тој.
.webp){kind=icon}
