.webp){kind=icon}
„Универзал мјузик груп“ (Universal Music Group NV), издавачката куќа што ја претставува Тејлор Свифт, постави цел за раст на продажбата од седум отсто во текот на следните пет години со поддршка од претплатите и со забрзување на монетизацијата на суперобожавателите.
Најголемата дискографска куќа на светот исто така има цел приспособената заработка пред камати, даноци, депрецијација и амортизација, како клучна мерка за профитабилноста, да биде над 10 проценти до 2028 година, покажуваат објавените финансиски цели.
Утрово на берзата во Амстердам акциите на компанијата поскапеа дури за 3,8 проценти и се тргуваа по износ од 24,17 евра.
„Овој раст ќе биде поттикнат делумно од континуираниот раст на приходите од претплати, забрзувањето на монетизацијата на суперобожавателите и проширувањето на партнерскиот екосистем“, велат од „Универзал мјузик“.
Од компанијата, која застапува и уметници, вклучувајќи ги Били Ајлиш и Дрејк, очекуваат приходите од претплати да пораснат меѓу осум и десет проценти во истиот период.
Во јули акциите на „Универзал мјузик“ паднаа најмногу од првата јавна понуда на компанијата, откако растот на приходите од претплата и стриминг ги разочара инвеститорите. Најголема причина за забавувањето на растот на приходите од рекламирање се блокадите на компаниите за социјални медиуми, кои во меѓувреме станаа клучен дел од дистрибуцијата на нејзината музика.
Сепак, Свифт со својата турнеја „Ерас“ продолжува да ги зголемува приходите.
