„Дојче телеком“ (Deutsche Telekom AG) соопшти дека планира да предложи програма за откуп од две милијарди евра (2,2 милијарди долари) во 2025 година и дека ќе се потпре на вештачката интелигенција за да ја зголеми ефикасноста во следните три години.
Најголемиот европски телекомуникациски оператор денеска соопшти и дека ќе предложи дивиденда од 90 центи по акција за финансиската 2024 година, што е повеќе од лани, кога се подели дивиденда од 77 центи. Програмата за откуп на акции за следната година следува по сличниот откуп од две милијарди евра, кој компанијата го реализира годинава.
„Дојче телеком“ ги надминува своите конкуренти во Европа, најмногу благодарение на растот на бројот на претплатници во „Т-мобиле УС“ (T-Mobile US Inc.), каде што компанијата има мнозински удел. Тоа ѝ нуди на компанијата финансиска флексибилност, на пример да продолжи да го зголемува својот удел во американскиот телефонски оператор или да откупува акции.
На денешното тргување на берзата во Франкфурт акциите на „Дојче телеком“ пораснаа за 1,3 проценти, на 27,09 евра. Тоа претставува раст од околу 25 проценти годинава.
Главниот извршен директор Тим Хотгес рече дека операторот планира внатрешно да распореди повеќе алатки за вештачка интелигенција, првично фокусирајќи се на алатки за услуги на клиентите, како што се апликациите за самопослужување и услугата за пораки поддржана од вештачка интелигенција. „Дојче телеком“ веќе ја користи генеративната вештачка интелигенција на „Мета платформс“ (Meta Platforms Inc.).
„Дојче телеком“ гради најмалку три центри за податоци, за кои првично ќе бидат потребни 300 мегавати енергија и веројатно ќе ги зголеми до еден гигабајт.
„Не е лесно да се натпреварувате со нас, бидејќи сега имаме и ликвидност. Веќе не треба да размислуваме за тоа како може да обезбедиме мнозинство во САД, каде да инвестираме или од каде да добиеме доволно средства за инвестиции“, рече Хотгес на денешната прес-конференција.
Компанијата соопшти дека годишниот раст на приходите од услуги се очекува до 2027 година да биде во просек од околу четири отсто. Приходите од органски услуги лани пораснале за 3,6 проценти.
Приспособената добивка пред камати, даноци, амортизација и по закуп е проектирана да расте во просек од четири до шест отсто годишно во текот на споменатиот период, соопшти компанијата.
.webp){kind=icon}
