.webp){kind=icon}
Германскиот производител на електрични возила Next.e.GO Mobile SE ќе гради фабрика во слободната зона во Тетово, дознава Bloomberg Adria. Договорот веќе бил одобрен на Влада, а инвестицијата ќе биде објавена официјално во сабота, кога во земјава доаѓаат и претставници на компанијата.
Станува збор за германски производител на електрични возила и системи за одржлива мобилност со седиште во Ахен. Основана е во 2015 година како e.GO Mobile AG од страна на RWTH Aachen и професорот Гинтер Шух.
Според нашите информации, компанијата барала локација во овој регион и одлуката паднала на Македонија. Во земјава возилата ќе се прават целосно, а компанијата во првата фаза овде ќе инвестира над 100 милиони евра и ќе отвори над 500 нови работни места.
На седницата беше усвоена Информацијата и донесена Одлука за давање согласност на Договорот за доделување на државна помош склучен помеѓу Владата на Република Северна Македонија, застапувана и претставувана од Дирекцијата за технолошки индустриски развојни зони и „НЕКСТ.Е.ГО МОБИЛЕ“.
Од Владата попладневво соопштија дека станува збор за мултимилионска инвестиција која ќе отвори 3-4.000 нови работни места.
„Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили. Придобивките од оваа инвестиција се многукратни - од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании, соопштија од Владата.
Текстот е едитиран во последните два пасуси
