.webp){kind=icon}
Нова Љубљанска банка има многу добри резултати во првата половина од годината, период во кој повеќе од двојно ја зголеми добивката по оданочување и покрај предизвикувачките услови кои влијаат на однесувањето на потрошувачите, вклучително и војната во Украина и флуктуациите на пазарите на капитал.
Според податоците кои се објавени на Љубљанската берза, Групацијата НЛБ, која вклучува и банки на најголемата словенечка банка во регионот, остварила 287 милиони евра добивка по оданочување во првите шест месеци од оваа година, наспроти 139,8 милиони евра во истиот период минатата година
Високиот профит е во време на аквизициите на N Banka во Словенија, поранешна Сбербанк, која руската банка мораше да ја продаде поради војната во Украина. Нето приходите на банката се зголемени за 5 отсто на 358,1 милиони евра. Споредено со истиот период лани, нето приходите од камати скокнале за 14 отсто на 226,4 милиони евра.
Прочитај повеќе
НЛБ Банка со добивка од 22,6 милиони евра за шест месеци
Зголемувањето се должи на континуирани продажни активности на кредитните продукти
29.07.2022
Спојување на Н банка и Комерцијална банка
Во овој период, работењето на НЛБ најмногу го одбележа преземањето на Н Банка, која се уште е во процес на интеграција, а целата операција ќе биде завршена пролетта следната година. Во меѓувреме беа споени и НЛБ Банка Београд и Комерцијална банка Београд во НЛБ Комерцијална банка, аквизиција што заврши на крајот на април.
„Во светлината на актуелните настани во нашето непосредно опкружување, одржливиот бизнис добива сè поголемо значење во нашите стратешки планови, како и стабилноста на економиите во регионот каде што работат нашите банки“, напиша претседателот на Управниот одбор Блаж Бродњак во соопштение за медиумите.
„Затоа, ние продолжуваме да обезбедуваме знаење, поддршка, финансирање и услуги, со што ќе му овозможиме на регионот да постигне понатамошен напредок. Истовремено остануваме верни на нашата посветеност да создадеме додадена вредност за нашите акционери и ќе исплатиме дивиденда во вкупен износ од 100 милиони евра во 2022 година, од кои првата транша која е во износ од 50 милиони евра веќе беше исплатена во јуни“, објасни претседателот на Управниот одбор на НЛБ, Блаж Бродњак.
Банките во регионот и во Европа се подготвуваат за заострување на монетарната политика од страна на Европската централна банка, која минатиот месец ги зголеми клучните каматни стапки за 50 базични поени или 0,5 процентни поени за прв пат по 11 години. Треба да се очекуваат промени во деловното работење поради повисоката инфлација и сè поверојатната рецесија.
Депозитите на клиентите во групацијат НЛБ се зголемени за 9 отсто или 1,5 милијарди евра во однос на крајот на 2021 година и изнесуваат 19,15 милијарди евра, при што Н банка учествува со најголем дел, 981,4 милиони евра.
Како што веќе пишувавме „НЛБ Банка АД Скопје“ во периодот јануари-јуни 2022 година оствари нето добивка во износ од 1.395.014.000 денари (22,6 милиони евра) што претставува зголемување за 23,5 проценти во однос на остварената нето – добивка истиот период претходната година.
„Зголемувањето се должи на континуирани продажни активности на кредитните продукти со особен фокус кај домаќинствата, микро, малите и средни претпријатија и зголемен број на корисници на платните сервиси на банката“, соопшти банката преку Македонската берза.
Заклучно со 30.06.2022 година билансната сума изнесува 106.429.308.000 денари односно се намали за 1.280.171.000 денариили 1,2 проценти во однос на 31.12.2021 година. Паричните средства и паричните еквиваленти изнесуваат 19.109.517.000 денари и бележат намалување од 3 проценти во однос на 31.12.2021. Кредитите и побарувањата од банки бележат намалување од 139.000 денари во однос на 31.12.2021.
