„Мета“ (Meta Platforms Inc.) започна да ги известува вработените за отпуштањата во понеделникот, започнувајќи го процесот што ќе заврши со отпуштање илјадници луѓе, бидејќи компанијата се справува со „ниски перформанси“ и бара нови таленти за да доминира во трката за вештачка интелигенција.
Вработените во „Мета“ што се отпуштени биле известени преку електронска пошта, а компанијата им нуди на вработените во САД пакети за испратнина, кои вклучуваат 16 недели плата, плус две недели за секоја година на служба, според луѓе запознаени со ситуацијата, кои побараа да останат анонимни бидејќи деталите не се јавни. Вработените чиј ангажман заслужува бонус ќе го добијат тоа, а персоналот ќе добие и акции како дел од претстојниот циклус на доделување акции подоцна месецов, велат упатените.
Главниот извршен директор Марк Закерберг им порача на вработените дека „Мета“ ќе намали пет отсто од својата работна сила - до 3.600 луѓе - со фокус на персоналот што „не ги исполнува очекувањата“, првично објави „Блумберг њуз“ во средината на јануари. Засегнатите вработени во САД ќе бидат известени на 10 февруари, додека вработени во други земји може да дознаат подоцна, рече Закерберг минатиот месец.
Прочитај повеќе
Фејсбук ја укинува проверката на факти, а X ќе поддржува „кликбејт“ новинарство
Марк Закерберг тврди дека проверувачите на факти „биле премногу политички пристрасни и уништиле повеќе доверба отколку што создале, особено во САД“.
08.01.2025
Милионските донации ги смирија технолошките гиганти и Трамп
Џеф Безос, Марк Закерберг и Илон Маск се смирија со старо-новиот американски претседател Доналд Трамп.
13.12.2024
„Мета“ најави акција против лажните реклами со слики од познати личности
„Мета“, матичната компанија на „Фејсбук“, ќе започне да користи технологија за препознавање лица за да се справи со посебен вид измами.
22.10.2024
„Мета“ им нуди на холивудските личности милиони долари за нивните гласови
Преговорите меѓу „Мета“ и некои претставници престанаа и започнуваа многупати
03.08.2024
Коцкањето со „Мета“ на Закерберг му донесе богатство од 201 милијарди долари
Tој првпат ја надмина границата од 200 милијарди долари, според индексот на милијардери на „Блумберг“.
29.09.2024
Во посебна порака до менаџерите, коосновачот на Фејсбук порача дека отпуштањата ќе создадат простор за компанијата да вработи „најсилни таленти“.
Отпуштањата во „Мета“ се конзистентни во последниве години. Компанијата отпушти илјадници вработени во 2022 и 2023 година како дел од напорите за ефикасност. Последниот бран на отпуштања се очекува да биде завршен до крајот на циклусот на перформанси, кој трае до февруари. Тие доаѓаат додека „Мета“ се обидува да ги победи конкурентите, вклучувајќи ги „Опен еј-ај“ (OpenAI) и „Дипсик“ (DeepSeek), во динамичната трка за вештачка интелигенција.
Закерберг кон крајот на јануари им порача на инвеститорите дека „Мета“ очекува на крајот да потроши стотици милијарди долари на инфраструктура за вештачка интелигенција. Компанијата со седиште во Менло Парк, Калифорнија, применува вештачка интелигенција низ својата палета на апликации и деловни единици, од платформите за социјални мрежи како Инстаграм (Instagram) и Фејсбук (Facebook) до очила за виртуелна реалност.
.webp){kind=icon}