text size
Ина на секој од своите работници дополнително ќе му исплати по пет отсто од основната месечна бруто плата за период од шест месеци. Првиот дел од оваа специјална исплата работниците на ИНА ќе го добијат во септември, а втората половина во декември 2022 година, соопштија од компанијата.
Тие се пофалија дека ова е само продолжување на циклусот на подобрување на материјалната положба на работниците во групацијата Ина, која со вработените започна со преговори за колективните договори на крајот на 2021 година. Од компанијата изјавиле дека вкупната инвестиција за зголемување на платите и материјалните права на нивните работници изнесува речиси 54 милиони куни и дека во 2022 година на работниците им исплатиле бонус во вкупен износ од над 135 милиони куни за исклучителен придонес во деловните резултати.
„Го цениме придонесот на секој работник и менаџер кој ни овозможува да бидеме водечка хрватска компанија и на овој начин сакаме да им се заблагодариме и да покажеме колку ни се важни. Свесни сме за економските настани и нивните последици и како претходно, ќе продолжиме да им даваме поддршка на нашите работници преку негување на добар социјален дијалог во компанијата“, рече Шандор Фасимон, претседател на Управниот одбор на ИНА.
.webp){kind=icon}
