text size
Даночната реформа, така како што се најавува, може да направи нови проблеми на текстилната индустрија која и без тоа се соочува со сериозни тешкотии. Во разговор за Блумберг Адриа ТВ, Ангел Димитров од Организацијата на работидавачи вели дека компаниите ќе останат без инвестиции ако се остварат најавите за воведување данок на реинвестираната добивка.
„Ако се воведе данок на реинвестираната добивка тогаш ќе останеме без оние средства кои ние ги користиме за да набавиме нова опрема, да инвестираме во нови технологии. Тоа ќе значи дека ние ќе биде уште понеконкурентни на странските пазари“, вели Димитров.
Според него, засега текстилните фабрики се добро обезбедени со нарачки и ќе има работа до март. Но, со оглед на цените на струјата и воопшто снабдувањето, кое во текот на зимата ќе биде проблематично, очекува дека може да дојде до намалување на нарачките во тек на арпил и мај.
Прочитај повеќе
Текстилен сектор - некогаш гигант, сега на колена
Платите и производството во текстилната индустрија сега се на исто ниво како пред 45 години
23.08.2022
„Ќе имаме сериозен проблем во текот на зимата затоа што струјата може да стигне и до 600 евра за мегават час, тоа значи дека фирмите ќе мора да штедат, што може да доведе и до промени во работното време“, вели Димитров.
За повеќе детали погледнете го видеото од разговорот.
.webp){kind=icon}
