„Пинтерест“ (Pinterest Inc.) се соочува со истрага од Одделот за граѓански права во Калифорнија (CCRD), потврди компанијата, откако бројни вработени поднеле тврдења за дискриминација во последниве години.
Адвокатот на CCRD во вторникот испратил електронска пошта до неколку поранешни вработени, вклучително и Ифеома Озома, која излезе во јавноста во 2020 година со наводи за тоа дека е недоволно платена и за расна дискриминација. „CCRD спроведува истрага против Pinterest и вие сте идентификувани како потенцијален сведок“, се вели во електронската пошта во која Bloomberg имал увид.
Pinterest го потврди извештајот претходно објавен од „Протокол“ (Protocol).
„Одделот за граѓански права во Калифорнија (CCRD) спроведува истраги против неколку компании, а Pinterest е една од нив“, објави компанијата во средата. „Нашите дискусии со CCRD се во тек и остануваме посветени на прегледување и развивање на нашите протоколи за третман на вработените“, се наведува во соопштението.
Кон крајот на 2020 година, Pinterest плати 20 милиони долари за да се реши случајот за родова дискриминација што го покрена поранешната директорка Франсис Броуер. Таа тврдеше дека била помалку платена од нејзините машки колеги, била исклучена од процесот на првична јавна понуда на компанијата и на крајот била отпуштена затоа што зборувала за дискриминација.
Таа се огласи по изјавите на две црнкињи, Озома и Аерика Шимизу Бенкс, кои рекоа дека се недоволно платени и дека одделот за човечки ресурси на компанијата ги отфрлил нивните тврдења за дискриминација. Pinterest претходно соопшти дека ги истражувал случаите и не открил погрешно постапување.
Компанијата додаде дека инвестира во политики за подобрување на застапеноста во технолошката индустрија и на Pinterest.
CCRD, порано познат како Оддел за правично вработување и домување, немаше коментар.
.webp){kind=icon}
Во моментов нема коментари за веста. Биди прв да коментира...