.webp){kind=icon}
Извршниот одбор на рускиот енергетски гигант „Гаспром“ ја предложи првата полугодишна исплата на дивиденда во историјата на компанијата по позитивниот деловен резултат во првата половина од годината.
Одборот предложи рекордна дивиденда од 51,03 рубли по акција, се наведува во извештајот. Акционерите ќе гласаат за или против предлогот на седница закажана за 30 септември.
Компанијата, која не исплати дивиденда во 2021 година, забележала „рекордно високи приходи и нето добивка“ во првите шест месеци „и покрај санкциите и неповолното деловно опкружување“, посочи заменик-извршниот директор Фамил Садигов во посебно соопштение. Нето добивката на компанијата била 2,4 трилиони рубли (39,5 милијарди долари) во првите шест месеци од 2022 година, додава Садигов.
Прочитај повеќе
Русија го запре гасот преку Северен тек
Европа е информирана дека „Гаспром“ ќе го затвори гасоводот Северен тек 1 кон Германија од 31 август до 3 септември.
31.08.2022
Цените на природниот гас се зголемија речиси тројно во Европа од почетокот на војната во Украина што доведе до енергетска криза. Зголемените цени на енергијата го неутрализираа влијанието на помалиот извоз на компанијата на клучните пазари. Протокот низ главните гасоводи е или ограничен или целосно прекинат.
Пред оваа одлука, акционерите лани гласаа против исплатата на дивиденда од 52,53 рубљи по акција, наведувајќи дека исплатата ќе биде „неразумна“ поради зголемувањето на даноците и јакнењето на потребата од инвестиции на домашниот пазар.
И додека гласањето против исплатата на дивидендата значеше дека Русија нема да добие средства како најголем акционер на компанијата, исто така обезбеди дополнителни буџетски средства од „Гаспром“ преку даноците платени меѓу септември и ноември.
Енергетскиот гигант планира да продолжи со редовните исплати на дивиденди во иднина и предлага дивиденда од најмалку 50 отсто од нето добивката, според Садигов. „Гаспром“ во моментот ја одредува висината на дивидендата врз основа на годишните резултати од работењето.
