„Луфрханза“ (Deutsche Lufthansa AG) в петок ќе ги суспендира речиси сите летови во Франкфурт и Минхен поради штрајкот на пилотите кои бараат повисоки плати, додавајќи уште еден ден на големи нарушувања кон она што веќе прерасна во лето на патнички хаос.
Вкупно, околу 130.000 патници ќе бидат погодени бидејќи „Луфтханза“ укинува 800 летови во двата најголеми германски центри, се вели во соопштението. Некои откажувања ќе се случат веќе денеска, според превозникот. „Луфтханза“ падна за цели 4 отсто во Франкфурт, по вестите.
Пилотите на германската авиокомпанија утре ќе штрајкуваат откако не успеаја да постигнат договор за платите со раководството, соопшти нивниот синдикат.
Синдикатот, Vereinigung Cockpit (VC), соопшти дека преговорите за плата се прекинати и штрајкот ќе ги опфати пилотите во патничкиот и товарниот превоз на сите летови на „Луфтханза“ од Германија.
VC бара зголемување на платите за повеќе од 5.000 пилоти за 5,5 отсто оваа година, а потоа раст усогласен со инфлацијата.
Ова е втор пат во нешто повеќе од еден месец најголемиот европски авиопревозник да биде принуден да прогласи речиси целосно затворање на операциите на двата најважни аеродрома, поради штрајкови. Последен пат кон крајот на јули, копнениот екипаж ја запре работата во Франкфурт и Минхен бидејќи тие исто така бараа подобри плати, што резултираше со суспендирање на повеќе од 1.000 летови во двата града.
.webp){kind=icon}
Во моментов нема коментари за веста. Биди прв да коментира...