Член на Одборот на ревизија на „Комерцијална банка“ си поднесе оставка од функцијата поради судир на интереси. Од банката преку Македонската берза информираа дека на вчерашната седница на Собранието, акционери кои што поседуваат 52,5 проценти од акциите со право на глас донеле одлука со која друштвото за ревизија „Грант Торнтон“ ДОО Скопје се определува за друштво за ревизија на годишните финансиски извештаи на банката за периодот од 2022 до 2026 година.
„Истовремено, банката известува дека Марјан Андонов, член на Одборот за ревизија на „Комерцијална банка“ АД Скопје, поднесе оставка од функцијата, поради постоење судир на интереси, односно неспоивост на вршењето на функцијата - член на Одбор за ревизија на Комерцијална банка АД Скопје и функцијата - партнер и овластен ревизор во „Грант Торнтон“ ДОО Скопје“, соопшти банката.
.webp){kind=icon}
