text size
Компанијата што стои зад „Бејби шарк“ (Baby Shark), најгледаното видео на Јутјуб на сите времиња, се стреми да собере дури 76 милијарди вони (54,6 милиони долари) преку иницијална јавна понуда (ИПО) во Сеул.
Јужнокорејската „Пинкфонг“ (Pinkfong Co.) планира да издаде два милиони нови акции по цена од 32.000 до 38.000 вони (23-27,3 долари) по акција, според проспектот поднесен денеска. На врвот на ценовниот опсег, договорот ѝ дава на компанијата пазарна вредност од околу 545 милијарди вони (391,6 милион долари), покажуваат пресметките на „Блумберг“.
Со повеќе од 16 милијарди прегледи на Јутјуб, корејската песна е далеку пред „Деспасито“ (Despacito) на Луис Фонси, бидејќи децата низ светот продолжуваат непрестајно да го гледаат видеото речиси една деценија откако беше објавено. Сепак, „Пинкфонг“ се мачи да го повтори успехот на тој хит, со песни како „Пингвин денс“ (Penguin Dance), која собра поскромни 125 милиони прегледи.
Процесот на собирање понуди ќе трае од 28 октомври до 3 ноември, а конечната цена на понудата ќе биде утврдена на 5 ноември. Инвеститорите ќе може да се претплатат на 6 и 7 ноември. Аранжманот ќе го водат „Мирае асет секјуритис“ (Mirae Asset Securities Co.) и „Самсунг секјуритис“ (Samsung Securities Co).
Соосновачот на „Пинкфонг“, Ким Мин-сеок, поседува повеќе од 18 проценти од компанијата, додека „Самсунг паблишинг“ (Samsung Publishing Co.) поседува речиси 17 отсто.
.webp){kind=icon}
