.webp){kind=icon}
Српската онлајн платформа Joberty од денеска почнува со работа во Македонија. Првиот човек на компанијата објави дека по Србија, Хрватска, Романија и Бугарија се очекува понатамошно ширење во цела Југоисточна Европа. Станува збор за платформа која ги поврзува работодавачите со кандидатите за работа во ИТ сферата.
„Нашата цел е да ја зголемиме транспарентноста во оваа ИТ индустрија и да им помогнеме на девелоперите да направат подобар избор во кариерата. По неколку месеци подготовка, сега можете да најдете повеќе од 500 рецензии на работодавачи за технолошки компании во Северна Македонија. Следете нè на Joberty North Macedonia и останете во тек за повеќе вести во следните недели, вели Никола Мијаиловиќ, главен извршен директор и ко-основач на Joberty.
Тој неодамна, кога објави за проширувањето во Романија изјави дека главната цел на Joberty уште на почетокот била да се прошири надвор од границите на Србија и да се позиционира на глобалниот пазар.
Ветерот зад овој амбициозен план им го дадоа повеќе од 45.000 регистрирани корисници во Србија, што сочинува практично 90 отсто од српскиот ИТ пазар. Целта е до средината на следната година да имаат вкупно повеќе од 100.000 во сите земји во кои работат.
Joberty
Досега, судејќи според зборовите на Мијаиловиќ, работите се одвиваат во насоката што ја замислиле.
„Во Хрватска за многу кратко време се позициониравме исклучително добро и веќе соработуваме со повеќето ИТ компании. Новиот пазар кој штотуку го отворивме, Романија, е најголемиот пазар во регионот на Југоисточна Европа, со повеќе од 120.000 програмери и ИТ професионалци и очекуваме навистина одлични резултати“, изјави тој за српската редакција на Bloomberg Adria.
Со помош на Јелена Степановиќ
