text size
Во согласност со долгогодишната развојна, деловна политика на компанијата, во насока на главните стратешки определби што се однесуваат на глобализацијата на брендот „Алкалоид“ и со цел зајакнување на постојните извозни позиции, особено на пазарите во Европската Унија, менаџментот на компанијата донесе одлука за отворање ново друштво во ЕУ, овојпат во Романија, соопшти компанијата преку Македонската берза.
„Имајќи предвид дека повеќе од 65 проценти од пласманот на производите на компанијата се наменети за извоз, од исклучително значење е присуството на производствената програма на пазарите во ЕУ, како и проширувањето на нови пазари. Во таа насока, новоотворениот правен субјект е седми по ред кој е основан во рамките на земјите членки на Европската Унија. По долгогодишното присуство и успешно работење на пазарот во Романија, „Алкалоид“ АД Скопје регистрираше ново друштво со назив „Alkaloid Bucharest S.R.L““, информираат од компанијата.
Друштвото, чиј основачки влог изнесува 100.000 евра, е во 100 проценти сопственост на „Алкалоид“ АД Скопје. „Алкалоид“ е присутен во Романија преку палетата на фармацевтски производи, како и преку програмата за хемодијализа која вклучува неколку групи производи.
Прочитај повеќе
Јосифовски и Мукаетов докупија акции во фирмите со кои раководат
Промената на сосптвеноста е објавена на Македонска берза
22.08.2022
„Реализираните продажби за 2021 година на пазарот во Романија изнесуваа 212,5 милиони денари, а во првата половина од 2022 година, компанијата забележа раст од 140 проценти на овој пазар споредено со истиот период минатата година. Со ваквиот потег „Алкалоид“ продолжува во насока на остварување на својата главна стратешка определба, за развој во деловните контури на извозно ориентирана компанија со стабилна пазарна позиција“, додаваат од компанијата.
.webp){kind=icon}
