Трговците преку интернет платформата Амазон (Amazon.com) се подготвуваат за претстојната „тмурна“ празнична сезона, бидејќи дел од купувачите уште од сега се организираат за тоа што ќе купат поради растечката инфлација.
Многу од трговците стравуваат дека ќе бидат присилени да ги намалат цените за да може да продадат што повеќе од залихите на готови производи. Тоа е спротивно на трендот што трае во последните две години, кога трговците се бореа на платформата на Амазон да внесат што повеќе производи, со цел да се задоволи побарувачката. Годинава онлајн продажбата во САД се зголеми само за 9,4 проценти, што всушност е прв пат да се регистрира едноцифрена стапка на зголемување.
„Се чини дека потрошувачите не трошат повеќе пари за ништо друго освен за основните потреби, па продавачите мора да понудат одредени попусти“, вели Лесли Хенсел, коосновачка на компанијата Riverbend Consulting, советник за трговија преку Амазон. „Последниот квартал годинава изгледа застрашувачки“, додаде Хенсел.
Прочитај повеќе
Македонија со децении доцни со алтернативните платежни системи
Гугл Пеј е достапен во Албанија, Бугарија, Грција, Романија, Хрватска, Србија но, не и во Македонија
30.08.2022
Уриваме рекорди во онлајн шопинг дома и во странство
Е-трговијата бележи раст, но Македонија каска зад европските трендови
30.08.2022
Реагирајќи на загриженоста на трговците поради „избледената“ празнична сезона за купување, портпаролот на Амазон рече дека трговците на мало, кои ги користат логистичките услуги на комапниајата обично плаќаат помалку отколку што би плаќале ако работат преку други методи. Амазон, исто така, ја прошири својата палета на производи за да понуди пониски трошоци за достава.
Амазон мора да се прилагоди на новата ситуација. Најголермата светска компанија за е-трговија имаше премногу празни складишта на крајот од пандемијата. Според истражувачката компанија MWPVL International, Амазон од тогаш напушти десетина постоечки и планирани објекти за работа во САД. Портпаролот на Амазон рече дека некои затварања се поврзани со технички причини, а дека компанијата продолжува да отвара објекти бидејќи побарувачката од купувачите бара дополнителни капацитети.
Податоците за расположението на потрошувачите во САД ќе бидат објавени во вторник.
.webp){kind=icon}