Растечката побарувачка на лекови од канабис во Европа и Австралија доведе до тоа јужноафриканскиот произведувач однапред да го продаде сето свое производство за следната година.
SafriCanna потпиша купопродажни договори со Германија и Австралија за најголем дел од производството, изјави во едно интервју Басим Хаидар, главен извршен директор на најголемиот инвеститор Оптазија. Компанијата започна со изградба на својот објект во главниот град Преториа во 2019 година, а својот прв цвет го испорача во јуни.
Истиот месец договори со германската DEMECAN нарачки за лековитиот цвет од канабис.
За да ја задоволи растечката побарувачка, SafriCanna планира да го зголеми производството за дури пет пати до 2024 година. Ќе потроши 40 милиони долари за проширување на своите простории во Преториа за да може да произведува 25.000 килограми цвет од канабис на годишно ниво. Сега произведува 5.000 килограми годишно, рече Хаидар.
Легализацијата на медицинскиот канабис во повеќе од 40 земји доведе до експлозија на побарувачката за производот што може да се користи за лечење на мачнини, Алцхајмерова болест и хронични болки.
SafriCanna е меѓу неколку компании кои ги исполнија строгите стандарди за добра производна пракса на Европската Унија, што на компанијата и овозможува извоз на цвет од канабис, како активна фармацевтска состојка во Европа.
Според податоците од истражувачката компанија IMARC Group, глобалниот пазар на медицински канабис вредеше 26,1 милијарди долари во 2021 година, а се очекува дека ќе расте со двоцифрена стапка од 10,4 проценти до 2027 година.
Хаидар, 51-годишниот претприемач кој е роден во Нигерија, одлучи да инвестира во јужноафриканската индустрија со канабис поради инфраструктурата, евтиното земјиште и добрата клима. Се предвидува дека индустријата со канабис во таа земја до 2023 година ќе вреди 1,6 милијарди долари.
Останатите инвеститори во компанијата се Нир Алони и Сафисо Дебенгва, поранешен извршен директор на MTN Group Ltd.
.webp){kind=icon}
Во моментов нема коментари за веста. Биди прв да коментира...