text size
Според истражување на „Морган Стенли“ (Morgan Stanley), Велика Британија се соочува со сериозни предизвици на пазарот на труд поради вештачката интелигенција, губејќи повеќе работни места отколку што создава, и тоа побрзо од своите меѓународни конкуренти.
Истражувањето покажува дека британските компании, кои веќе користат вештачка интелигенција најмалку една година, пријавиле нето загуба од 8 отсто на работни места во последните 12 месеци. Ова е највисока вредност во групата која ги вклучува германските, американските, јапонските и австралиските компании, и два пати поголема од меѓународниот просек.
Со тоа, Велика Британија станува најголемиот губитник во Европа и во светот во контекст на влијанието на ВИ врз работната сила. Најпогодени се индустриите како потрошувачки стоки и малопродажба, недвижности, транспорт, здравствена опрема и автомобилска индустрија, во кои многу компании веќе известуваат за повисока продуктивност благодарение на ВИ, но истовремено се соочуваат со драматичен пад на бројот на работни места.
Повисока продуктивност, но и поголема загуба
Британските компании бележат просечно зголемување на продуктивноста за 11,5 отсто благодарение на вештачката интелигенција, при што скоро половина од нив пријавиле уште поголеми подобрувања. Сепак американските фирми кои исто така ги пријавиле овие добивки во продуктивност, истовремено создале повеќе работни места отколку што ја намалиле работната сила. Ова го покажува јасниот јаз помеѓу двете економии, со оглед на тоа што британските компании не ги зголемуваат вработувањата, а проблемите на пазарот на труд се дополнително влошени со политичка нестабилност и зголемените трошоци за плати.
Влијанието на вештачката интелигенција врз работните места во последните 12 месеци
Bloomberg
Негативен тренд за младите и канцелариските работници
Официјалните податоци покажуваат дека бројот на огласите за работа во Велика Британија паднал за повеќе од една третина од 2022 година, што е еквивалентно на половина милион работни места. Особено се погодени секторите кои најмногу зависат од вештачката интелигенција, како што се професионалните, научни и технички активности, административни услуги и ИТ индустријата.
Младите работници во Велика Британија се најголемата жртва на оваа транзиција, бидејќи вештачката интелигенција ги заменува влезните работни места за канцелариските прогесии, додека политиките за зголемување на даноците дополнително го оптоваруваат вработувањето во малопродажбата и угостителството. Некои податоци покажуваат дека младинската невработеност скокнала на 13,7 отсто, што претставува највисоко ниво од 2020 година.
Што носи иднината за британската работна сила?
Британската економија се наоѓа во точка на пресврт. Иако вештачката интелигенција има потенцијал да ја поттикне продуктивноста и да ја извлече Велика Британија од стагнацијата, ефектите на оваа технологија врз работните места стануваат сè поочигледни. Банката на Англија и Канцеларијата за буџетска одговорност предвидуваат дека ВИ може да го зголеми растот на продуктивноста за 0,8 процентни поени во текот на следната деценија, што би можело да ги подобри животните стандарди и јавните финансии.
Меѓутоа, овој напредок доаѓа со значителни краткорочни трошоци, особено за работниците со помалку квалификации. Исто така, британските работодавци покажуваат мал интерес за зголемување на вработувањата во контекст на овие нови технологии, со што само го продлабочуваат проблемот со невработеноста и социјалната нерамнотежа.
Истражувачите сметаат дека ова е само рана предупредувачка сигнализација за тоа како ВИ ја преобликува работната сила во Велика Британија. Како што истакнува авторката на извештајот, Рејчел
Флечер, овие податоци се дел од „брзо растечката“ дискусија за влијанието на вештачката интелигенција врз пазарот на труд.
.webp){kind=icon}
