„Енвидија“ (Nvidia Corp.) „апсолутно“ ќе учествува во актуелната рунда на финансирање на „Опен еј-ај“ (OpenAI), но вложувањето „нема да биде ни приближно“ на износот од 100 милијарди долари, изјави извршниот директор Џенсен Хуанг.
Хуанг не сакаше да прецизира колку точно ќе биде вложено, но додаде дека тоа веројатно ќе биде „најголемата инвестиција што некогаш сме ја направиле“.
„Сигурно ќе учествуваме во следната рунда на финансирање, бидејќи тоа е исклучително добра инвестиција“, рече Џенсен Хуанг пред новинарите во Тајпеј. „Големо задоволство е.“
Bloomberg
Nvidia и OpenAI во септември соопштија дека потпишале договор за намера кој би овозможил производителот на чипови да инвестира до 100 милијарди долари во компанијата за вештачка интелигенција. „Волстрит журнал“ (Wall Street Journal) во петокот објави дека плановите за инвестиција запреле откако некои луѓе во Nvidia изразиле сомнежи за договорот.
Според септемвриското соопштение, износот од 100 милијарди долари требаше да го поддржи градењето на нови дата-центри и друга ВИ инфраструктура, базирана на компоненти на Nvidia. Целта беше да се обезбеди десет гигавати компјутерска моќ, што одговара на врвната потрошувачка на електрична енергија на Њујорк.
OpenAI се обидува да собере до 100 милијарди долари во тековната рунда на финансирање. „Амазон“ (Amazon.com Inc) води преговори за инвестирање до 50 милијарди долари и за проширување на договорот кој вклучува продажба на компјутерска моќ на стартапот за ВИ, објави Bloomberg во четвртокот.
.webp){kind=icon}
