Основачот и сопственик на компанијата „Патагонија“ (Patagonia) Ивон Шуинард и неговото семејство ја препуштаат сопственоста на производителот на облека за во природа, основан пред речиси педесет години, на фондација и непрофитна организација посветена на борбата против еколошката криза.
Шуанард размислувал да ја продаде компанијата или да излезе на берза, но со одлучил на необичен потег за да се осигура дека профитот на компанијата ќе оди во заштита на животната средина.
„Каква катастрофа би било тоа“, напиша тој, според соопштение објавено на веб-страницата на компанијата со седиште во Сан Франциско. „Дури и добронамерните јавни претпријатија се под преголем притисок да генерираат краткорочни профити на сметка на долгорочната виталност и одговорност“.
Основачот и сопственик на „Патагонија“, Ивон Шуинард | Bloomberg
Шуинард, неговата сопруга и двете деца биле вклучени во трансферот на Patagonia, чија вредност се проценува на околу 3 милијарди долари, според „Њујорк Тајмс“, кој прв објави за овој потег.
„Наместо да извлекуваме вредност од природата и да ја претвораме во богатство за инвеститорите, ќе го искористиме богатството што го создава Patagonia за да го заштитиме изворот на своето богатство“.
Сите акции со право на глас ќе одат во Patagonia Purpose Trust, а акциите без право на глас во непрофитната еколошка организација Holdfast Collective. Ова е најновиот и најдрастичен потег што го направи компанијата во борбата против глобалното затоплување. Инаку, Patagonia дава по еден отсто од продажбата секоја година и стана сертифицирана B Corp, означена како калифорниска корпорација за придобивки.
Шуинард е американски алпинист кој ја основал компанијата во 1973 година.
.webp){kind=icon}
