Трговијата на мало во Македонија доживува период на стагнација две последователни години, покажува анализата на аналитичкиот тим на „Блумберг Адрија“. Во 11-те месеци од 2023 година се забележува мал пад од 0,9 проценти на годишно ниво во вкупниот промет кај трговијата на мало. „Инфлацијата генерално како тема доминираше во 2023 година и ги промени сите навики. Таа ги запре консументите слободно да пазарат и да го трошат пред сè својот буџет онака како што беа навикнати“, вели во интервју за „Блумберг Адрија“ Дејан Манев, експерт за развој на малопродажни мрежи.
„Растот на платите на населението ќе доведе до тоа да имаме мало зголемување на вкупната генерална слика во малопродажбата како обем, со тоа што очекувам тука повеќе да нема интервенции од државата во поглед на основите намирници, кои моментално во сите балкански земји се под одредена државна контрола“, вели Манев.
Блумберг Адрија
Србија и Словенија забележаа пад, Македонија забележа стагнација, Хрватска забележа солиден раст, а во Босна и Херцеговина трговијата на мало доживеа експанзија, констатираат од аналитичкиот тим на „Блумберг Адрија“ во анализата на малопродажбата во регионот.
Блумберг Адрија
„Како држава треба да размислиме како да овозможиме поголем туризам и како да пробаме сите оние странци што доаѓаат во Македонија да ги задржиме на подолг престој, што би значело и поголема потрошувачка од странските туристи, бидејќи локалното население не е постојано во можност да потроши поголеми средства за да ја зголеми малопродажба како обем“, вели Манев.
Дополнително, тој додава дека во Македонија има играчи што се долги години во малопродажбата, но не прават некои големи иновации и развој.
Блумберг Адрија
„Влез на странски компании во сите сектори, секако, ќе направи притисок повеќе да се размислува за иновации, за дигитализизација. И во таков случај може да се случи одредени синџири на маркети да не можат да го следат тој тренд, што, секако, може да доведе до одредени помали поместувања и прегрупирања“, вели Манев.
Дополнително тој посочува дека секако ќе мора сите да ги следат светските трендови, бидејќи токму и вештачката интелигенција си наоѓа свое место во овој сегмент, особено со недостигот од работна сила, па за очекување е дека и некои од позициите во малопродажбата ќе мора да бидат дигитализирани, на што ќе треба да се навикнуваат и бизнис-секторот и граѓаните.
.webp){kind=icon}
Во моментов нема коментари за веста. Биди прв да коментира...