Време е да го отфрлите паричникот.
Еден ден во не толку далечна иднина паричникот ќе стане анахрон, исто како што сега е џебниот часовник. Сепак, тоа уште не е случај. Само три американски сојузни држави ви дозволуваат дигитално да им ја покажете својата лична карта преку „епл волет“ (Apple Wallet), а иако бесконтактното плаќање со мобилен телефон е вообичаено, тоа не е баш секаде присутно. „Маркета“ (Marqeta Inc), австралиска компанија за издавање картички, во својот извештај за Статусот на движење на потрошувачката на пари (анг. State of Consumer Money Movement) од 2022 година наведе дека 59 проценти од Американците (и 82 проценти од Австралијците) меѓу 18 и 24 години не би имале проблем ако од дома излезат без паричникот. Моделот на комплет футрола за телефон и паричник на австралиската компанија за модни додатоци „Белрој“ (Bellroy), кој чини 99 американски долари (нешто помалку од 5.700 денари), го одразува тој процес на транзиција, дозволувајќи им на корисниците да понесуваат со себе сѐ помалку неопходни работи во комбинација со уредите.
Конкуренција
• Футролата „евридеј“ (Everyday) од 40 американски долари (околу 2.300 денари) на американската компанија „Пик дизајн“ (Peak Design), која е достапна за телефоните „ајфон“ (iPhone), „гугл пиксел“ (Google Pixel) и „самсунг галакси“ (Samsung Galaxy), има и неколку магнетни додатоци, како што се држач за снимање и мобилен паричник од 60 американски долари (околу 3.450 денари), каде што собира седум картички.
• Целосно кожениот паричник со футрола „мегсејф“ (MagSafe) од 59 американски долари (околу 3.400 денари) на компанијата „Муџо“ (Mujjo) е достапен во три бои и има метално копче за дополнително да се „кликне“. Едноставен џебен дизајн каде што собира две-три картички, но потребно е да ги тргнете пред полнењето без кабел.
• Паричникот со футролата „травелер ледерсејф“ (Traveler LeatherSafe) на компанијата „Пед и Кил“ (Pad & Quill) од 100 долари (нешто над 5.700 денари) во целост е направен од американска кожа од полно зрно. Делот што претставува паричник останува прицврстен за футролата, но се собира во случај на полнење и може да се користи како држач.
Футрола
Уште од својот производ „слим слив“ (Slim Sleeve) од 2010 година, елегантно редизајниран кожен паричник, компанијата „Белрој“ се насочи на тоа да го унапреди начинот на кој ги носиме сопствените работи. Моделот на комплет на футрола за телефон и паричник, обложен со микрофибер, е достапен во седум комбинации на бои, од едноставна црна, преку сивкасти нијанси, до розова. Паричникот има дијагонален преклоп, зад кој стојат дури три картички и сигурносно магнетно затворање, кое може да се користи со помош на палецот. Неговото цврсто тело, дебело само третина инч (нешто над 0,8 см), со магнет се прицврстува за мод-футролата на телефонот и останува право и добро прицврстена со дел за меѓусебно поврзување. Футролата, која може да се користи за сите големини уреди на „ајфон 14“, го поддржува полнењето на „мегсејф“, иако ќе мора да го тргнете паричникот за да го сторите тоа. Чини 99 американски долари, односно нешто над 5.600 денари.
bellroy.com
(Фотографија: Такамаса Ота)
.webp){kind=icon}
