Кога менаџерите ќе добијат напад на глад...

Добре дојдовте во рубриката Менаџери лично на „Блумберг бизнисвик Адрија“, каде што менаџерите од целиот свет ни кажуваат како управуваат со своето време во и надвор од канцеларијата. Овој пат ги прашавме нешто друго, кои грицки им помагаат за да имаат доволно енергија во текот на целиот ден. Излегува дека многу извршни директори се луди по јаткасти плодови, но некои имаат и афинитети кон телешкото месо и темното чоколадо.

За Симон Мастнак, директор на „Протеини.си“ (Proteini.si) и страстен рекреативен велосипедист, комбинирањето на работата и тренингот во дневната рутина е многу важно, па затоа е еднакво важно и одржувањето на енергијата во текот на денот.

„Секако, најважни се редовните оброци и правилната исхрана за време на вежбање и потоа. Јас користам грицки кога ми треба енергетски поттик - особено на службени патувања или подолги состаноци. Омилени ми се колачите од овес. И покрај тоа што имаат одличен вкус, обезбедуваат бавно ослободување енергија во споредба со грицките направени од обичен шеќер - за да не го добиете брзиот енергетски поттик, а потоа и падот што обично води до прејадување грицки, туку постепено да ви ја даде потребната енергија“, вели Мастнак, потенцирајќи дека негов омилен е секако кремастиот вкус на јогурт од овесна торта на „Протеини.си“.

Мартин Морава, основач на „Девот“ (Devōt), компанија основана во 2016 година и специјализирана за услуги за развој на софтвер и автоматизација на деловните процеси, е љубител на здрав и спортски начин на живот, иако неговиот напорен распоред понекогаш му создава тешкотии.

„Редовно пиев кафе, но сфатив дека тоа премногу ми го подигнува и ми го намалува расположението, па се префрлив на бескофеинско кафе, кое повеќе ми одговара. Ако кафето без кофеин не е достапно, јас едноставно пијам вода“, вели Морава. Негова омилена закуска е говедско месо, бидејќи има многу протеини, малку калории и, што според него е најважно, навистина е вкусно. Неговата ИТ-компанија лани трета година по ред се најде меѓу најбрзорастечките технолошки компании во Централна Европа, според „Дилојт“ (Deloitte). „Девот“ лани оствари раст од 960 отсто и се најде на 34-то место меѓу повеќе од 400 рангирани компании од 17 земји според просечниот остварен раст во последните четири години.

Јатките се омилени грицки на Дарко Велков, основач и директор на „Вработување.ком“ (Vrabotuvanje.com.mk), повеќе од 20 години работи како посредник на пазарот на трудот.

Дарко Велков, основач и директор на „Вработување.ком“ Приватна архива

 

„Имам обичај да тренирам и затоа во текот на денот знам да консумирам бадеми или некои други јатки. Не пречесто, ама ги јадам. Мана ми е што некогаш го правам тоа и навечер кога ќе седнеме со моите деца“, вели Велков, кој се обидува максимално да практикува здрава храна за, како што вели, да се издржи ова темпо на работа. „Но знам и да го зезнам некогаш ритамот кога ќе мора да се отиде во ресторан со гости клиенти. Ама затоа во следните денови се обидувам да надоместам и со вежбање и со соодветна исхрана“, вели Велков.

Адам Стјуарт, извршниот директор на „Сандалс рисорт интернешнел“ (Sandals Resorts International), ја одржува едноставноста на својот режим на закуски: „Мешани бобинки и индиски ореви, затоа што ми се допаѓа рамнотежата на слатко и крцкаво. Ако ми треба да земам нешто дополнително, секогаш е тоа свежо кафе од Јамајка, мојата родна земја. Тоа е најдоброто во светот“, вели тој.

Tarn Susumpow/Bloomberg

 

Со седиште во Вилијамсбург во Бруклин, „Талеа бир“ (Talea Beer) под водство на жена е растечка сила во Њујорк благодарение на своите неконвенционални овошни пијалаци. Сега фирмата има пет локации низ градот. Коосновачката и извршна директорка Лиан Дарланд детално ги објаснува задоволствата што се нудат во седиштето на пиварницата: „Во ‘Талеа’ постојано чуваме секакви резерви на ‘закуски’, од печени индиски ореви во мед и чоколадни переци со путер од кикиритки до разновидни гумени бонбони и овошни слатки“, вели таа. Ако веќе обилно ручала и само ѝ треба енергетски поттик, Дарланд им се препушта на сувите смокви.

Tarn Susumpow/Bloomberg

 

Претприемачот Грег Лавекија ја основа „Блум нутришн“ (Bloom Nutrition) откако ја започна популарната фитнес-апликација „Слеј“ (Slay) и виде можност да промовира здрави додатоци во исхраната. Прашоците „Блум гринс“ (Bloom Greens) и „Суперфудс“ (Superfoods) на неговата компанија, составени од зеленчук, пробиотици и ензими, сега се главен производ на социјалните мрежи. Иронично, но неговата омилена закуска е далеку од категоријата суперхрана: „Јас сум познавач на говедско месо и тоа е мојот моментален фаворит“, вели Лавекија.

Tarn Susumpow/Bloomberg

 

Како извршен директор на „Ла петит мезон“ (La Petite Maison), растечка француско-медитеранска ресторанска империја, Николас Буџински ги надгледува рестораните од Дубаи и Хонгконг до Лас Вегас. Неговата омилена закуска го одразува неговото рано тренирање: „Бидејќи сум Французин, никогаш не можам да кажам не на голем кроасан со чоколадо“, вели тој. „Убав сендвич со шунка и сирење е исто така нешто на кое тешко се спротивставувам. Го сакам сендвичот со шунка и сирење во ‘Еврбин' (Everbean) во Лондон, во близината на ‘Ла петит мезон'. Лебот се тостира со малку солен путер и користат одлично сирење, верувам манчего, и многу убава шунка“, вели тој.

Tarn Susumpow/Bloomberg

 

Кристијано Риналди раководи со „Капела хотел груп“ (Capella Hotel Group), чија поширока листа на имоти вклучува локации во Шангај и во Бангкок, која неодамна беше прогласена за број еден на листата на 50 најдобри хотели во светот; „Капела Тајпеј“ (Capella Taipei) се отвора во април. Но изборот на Риналди е европска храна, иако тој главно е сместен во Сингапур, каде што е седиштето на компанијата. „Моите омилени грицки се домашни крутони од кисело тесто, направени лично од мојата сопруга. Тие ме враќаат директно во моето детство во Рим, каде што поминав безброј вечери во нашата семејна кујна, гледајќи го татко ми како пече парчиња леб над нашата печка за брускети. Секој детаљ ми буди чувства, од аромата на тостиран леб, преку топлината, до богатиот сјај на маслиновото масло“, вели тој.

Текстот е напишан со помош на Едита Влаховиќ Жувела, Урбан Червек и Кејт Кредер.

Во моментов нема коментари за веста. Биди прв да коментира...

Остави коментар