Железница на Балканот: Тешкотии уште пред почетокот на изградбата?
Словенија, Хрватска и Србија најавуваат модернизација на железничките линии на европскиот железнички коридор што минува низ Љубљана, Загреб и Белград. Според оптимистичките прогнози, брзата пруга ќе ги поврзува градовите за пет години, но состојбата на терен не е толку оптимистичка. Железницата би морала да минува практично низ целата заштитена област Натура 2000, што е неприфатливо за словенечката страна. На оваа пруга возовите треба да можат да достигнуваат брзина до 200 километри на час, што во Словенија е практично невозможно. Според правилата на Европската Унија, патничките возови се движат со максимална брзина од 160 километри на час. Дополнително, проектот се проценува на милијарда евра. Што сега? За да се најде решение за оваа брза пруга, надлежните министри предложија формирање заедничко работно тело.
Криминал во регионот: Најмалку во Словенија, најмногу во Босна и Херцеговина
Словенија е најбезбедна земја во регионот, со најнизок индекс на криминал, според „Нумбео“ (Numbeo), кој анализира статистики за криминал. По неа следува Хрватска, а ниска стапка на криминал има и Србија. Македонија има умерена стапка на криминал, а последна земја во регионот е БиХ.
„Ѓаволот полека ја носи шегата!“
Вака Марко Дробнич, претседател на управниот одбор на словенечката компанија „Талум“, специјализирана за производство на алуминиум и алуминиумски деривати, ја опиша актуелната состојба. економијата веќе го чувствува заладувањето, но каква ќе биде статистиката? Рецесија се најавуваше подолго време, но никогаш не дојде. Но, статистиката е една работа, а ситуацијата на теренот друга. Дробнич предупредува дека многу индустрии, вклучувајќи ја и неговата, веќе забележуваат пад на бројот на нарачки. Истовремено, тој додава дека поради слабеењето на позицијата на ЕУ и специфичното домашно деловно опкружување, компаниите сè повеќе ја губат својата конкурентност во однос на другите делови на светот. Талум веќе почна да отпушта работници, а во април беа принудени да го прекинат производството.
„Ердоганомија“ и турските избори
Светот со интерес ги следи актуелните избори во Турција, каде што на 28 мај ќе се одржи вториот круг меѓу актуелниот претседател Реџеп Таип Ердоган и неговиот противкандидат Кемал Киличдароглу.
Ердоган има многу специфичен став за управувањето со економијата вредна 900 милијарди долари, која е тесно поврзана и со регионот Адрија. Турската економија се соочува со висока инфлација и пад на каматните стапки. Ердоган се залага за необичен став, кој ѝ пркоси на економската наука, дека ниските каматни стапки ја задушуваат инфлацијата. Тоа доведе до неконтролирана инфлација, која надмина 90 отсто само за неколку месеци. Турската лира загуби 32 отсто од вредноста во однос на доларот. Турската централна банка се труди да ја одбрани лирата од депрецијација пред вториот круг од претседателските избори, воведувајќи нови правила за да се ограничи побарувачката за доларот и да се поттикне конверзија на странски средства од постабилни валути во лири.
„Кога размислувам кого да поддржам, за мене се најважни тимот што стои зад проектот, приспособливоста надвор од границите на Хрватска и потенцијалот да се влијае на растот на хрватската економија и отворањето работни места“.
Така тврди хрватскиот претприемач и иноватор Мате Римац, инаку од светот на автомобилската индустрија, кој заедно со коосновачот на компанијата за паметен накит „Белабит“, Сандро Мур, инвестира во хрватско-словенечкиот стартап „Џусфаст“, кој развива иновативна технологија за производство на комплетни прехранбени решенија со ладно цедени сокови и нутритивно избалансирани оброци. Индустријата на иновативна исхрана, или фудтек (анг. foodtech), очигледно е жешка во регионот и во светот, па меѓу првите инвеститори во оваа индустрија беше Бил Гејтс, коосновачот на „Мајкрософт“, додека најбогатиот Словенец , Само Логин, развива фудтек-проект во Србија.
Лиценцирана фотографија / Римац груп
.webp){kind=icon}
